لاہور : تحریک انصاف نے پنجاب اور خیبرپختونخوا اسمبلی تحلیل کرنے کی تاریخ طے کرنے کے لیے ہنگامی اجلاس طلب
کرلیا۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ تحریک انصاف کی سینئر لیڈر شپ کا اجلاس آج طلب کیا گیا ہے، جس میں پنجاب اور کےپی اسمبلوں کی تحلیل،سندھ اوربلوچستان کی اسمبلیوں سے مستعفی ہونے کی تاریخ پر غور ہوگا۔
فواد چوہدری کا کہنا تھا کہ سندھ اور بلوچستان اسمبلیوں سے مستعفی ہونےکی تاریخ پر بھی غورہوگا، فیصلوں سے 64 فیصد نشستیں خالی ہوجائیں گی اور انتخابات کی راہ ہموار ہو گی۔
تحریک انصاف کی سینئر لیڈرشپ کا اجلاس آج طلب کر لیا گیا ہے، اس اجلاس میں پنجاب اور خیبر پختونخواہ اسمبلی تحلیل کرنے،سندہ اور بلوچستان اسمبلی سے مستعفیٓ ہونے کی تاریخ پر غور کیا جائیگا،ان فیصلوں سے پاکستان کی 64 فیصد نشستیں خالی ہو جائیں گی اور عام انتکابات کی راہ ہموار ہو گی
— Ch Fawad Hussain (@fawadchaudhry) November 28, 2022
پی ٹی آئی رہنما نے ایک اور ٹوئٹ میں پی ٹی آئی آزاد کشمیر کو بلدیاتی انتخابات کے پہلےمرحلے میں کامیابی پرمبارکباد دیتے ہوئے کہا پی ٹی آئی کشمیر سے بلوچستان کی سنگلاخ زمین تک عوام کے دل کی آواز ہے، پی ٹی آئی پنجاب و سندھ سے جی بی اور کے پی کے پہاڑوں تک عوام کے دل کی آواز ہے۔
یاد رہے راولپنڈی میں جلسہ عام سے خطاب میں پاکستان تحریک انصاف (پی ٹی آئی) کے چیئرمین عمران خان نے تمام اسمبلیوں سے استعفے دینے کا اعلان کرتے ہوئے کہا تھا کہ پارلیمنٹری پارٹی سے مشاورت کے بعد تاریخ کا اعلان کریں گے۔
تحریک انصاف آزاد کشمیر کو بلدیاتی انتخابات کے پہلے مرحلے میں کامیابی پر مبارکباد، اس وقت تحریک انصاف وہ واحد جماعت ہے جو کشمیر کی وادیوں سے بلوچستان کی سننگلاخ زمیں اور پنجاب اور سندہ کے سبزہ زاروں سے گلگت بلتستان اور ہختونخواہ کے پہاڑوں تک عوام کے دل کی آواز ہے بہت مبارک !
— Ch Fawad Hussain (@fawadchaudhry) November 28, 2022
اے آر وائی نیوز کی ڈیجیٹل ڈیسک کی جانب سے شائع کی گئی خبریں