سرگودھا: پی ٹی آئی امیدوار 12028 ووٹ لے کر کام یاب، غیر سرکاری نتائج -
The news is by your side.

Advertisement

سرگودھا: پی ٹی آئی امیدوار 12028 ووٹ لے کر کام یاب، غیر سرکاری نتائج

شاہینوں کے شہر سے پی ٹی آئی کے لیے ایک اور قومی نشست کا تحفہ مل گیا: فواد چوہدری

سرگودھا: این اے 91 کے 20 پولنگ اسٹیشنز میں دوبارہ پولنگ کے غیر سرکاری نتائج کے مطابق پاکستان تحریک انصاف کے امیدوار کام یاب قرار پائے۔

تفصیلات کے مطابق سرگودھا میں این اے 91 کے 20 پولنگ اسٹیشنز میں ری پولنگ کے غیر سرکاری نتائج آ گئے، نتائج کے مطابق پی ٹی آئی نے میدان مار لیا۔

پاکستان تحریکِ انصاف کے امیدوار عامر سلطان چیمہ نے 12028 ووٹ لے کر ن لیگی امیدوار کو شکست دے دی۔

غیر سرکاری نتائج کے مطابق مسلم لیگ ن کے امیدوار ڈاکٹر ذوالفقار بھٹی 3134 ووٹ لے کر دوسرے نمبر پر رہے۔

خیال رہے کہ عام انتخابات میں ن لیگ کے ذوالفقار بھٹی 87 ووٹوں سے کام یاب ہوئے تھے، لیکن ری پولنگ میں انھیں بڑے مارجن سے شکست کا سامنا کرنا پڑا ہے۔

پی ٹی آئی امیدوار کی فتح پر وفاقی وزیرِ اطلاعات فواد چوہدری نے ٹویٹ کرتے ہوئے کہا کہ شاہینوں کے شہر سرگودھا سے پی ٹی آئی کے لیے ایک اور قومی نشست کا تحفہ مل گیا ہے۔

فواد چوہدری نے ٹویٹ میں کہا کہ سرگودھا سے پی ٹی آئی کی جیت وزیرِ اعظم عمران خان کی قیادت پر اعتماد کا مظہر ہے۔

وزیرِ اطلاعات نے لکھا ’عامر چیمہ اور تحریکِ انصاف کی قیادت کو مبارک ہو، انور چیمہ کی روح مطمئن ہوگی کہ بیٹے کو حلقے سے نمائندگی کا اعزاز ملا۔‘

Comments

comments

یہ بھی پڑھیں