site
stats
پاکستان

حکمران کرپٹ ہوں گے تو ملک میں سرمایہ کاری نہیں ہوگی، عمران خان

اسلام باد: پاکستان تحریک انصاف کے چیئرمین عمران خان کا کہنا ہے کہ حکمران کرپٹ ہوں گے تو ملک میں سرمایہ کاری نہیں ہوگی، پانامہ لیکس کرپٹ لوگوں کیلئے اللہ کی پکڑ ہے اور انھیں اس میں نئے پاکستان کا راستہ نظر آرہا ہے ۔

اسلام آباد میں منعقدہ ایگری کلچر کانفرنس سے خطاب میں پاکستان تحریک انصاف کے چیئرمین عمران خان کا کہنا تھا کہ کرپشن کے ہوتے ہوئے ملک ترقی نہیں کر سکتا جبکہ کرپشن ہی پاکستان کا مسئلہ نمبر ون ہے جس کے باعث ملک میں سرمایہ کاری نہیں آرہی ۔

عمران خان کا کہنا تھا کہ گزشتہ تین برس کے دوران پاکستانیوں نے دبئی میں 700 ارب روپے کی پراپرٹی خریدی جبکہ اس کے علاوہ اسحاق ڈار کے بیان کے مطابق پاکستانیوں کا 200 ارب روپیہ بیرون ملک ہے ۔

انکا مزید کہنا تھا کہ پاکستان برصغیر کا وہ واحد ملک ہے، جہاں سب سے کم ہیومین ڈویلپمنٹ پر خرچ کیا جاتا ہے، پاکستان میں 200 ارب روپیہ اورنج لائن ٹرین اور 150 ارب میٹرو پر تو خرچ کر دیئے جاتے ہیں کیونکہ ان سے کمیشن ملتا ہے مگر یہ پیسہ پاکستان کے رہنے والوں یا کسانوں پر خرچ نہیں کیا جاتا ۔

عمران خان نے کہا کہ حکومت نے بجٹ میں 85 فیصد ڈائریکٹ ٹیکسز لگائے جبکہ حکومت نے بیرون ملک پڑا ہوا پیسہ بھی واپس لانے کے حوالے سے کوئی بات نہیں کی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top