site
stats
پاکستان

مریم نوازفلیٹس کی مالکہ ہیں، اخبار نے تصدیق کردی، قطری خط فراڈ ہے، عمران خان

اسلام آباد : پاکستان تحریک انصاف کے سربراہ عمران خان کا کہنا ہے کہ مریم نواز مے فیئرز فلیٹس کی مالکہ ہیں، اخبار نے تصدیق کردی ہے، اس کا مطلب ہے کہ قطری کی جانب سے دیا گیا خط فراڈ ہے۔

تفصیلات کے مطابق تحریک انصاف کے چیئرمین عمران خان نے پاناما کیس کی سماعت ملتوی ہونے کے بعد میڈیا سے گفتگو کرتے ہوئے کہا کہ پاناما کیس میں عدالت نے کہا ہے ثبوت کے بجائے دلائل کے انبار آئے ہیں، نواز شریف نے پارلیمنٹ میں کہا تھا کہ ہمارے پاس سارے ثبوت ہیں، عدالت میں ابھی تک کوئی ثبوت پیش نہیں کیا گیا ہے۔

عمران خان کا کہنا تھا کہ میں تو سمجھ رہا تھا مریم نواز کی گینگ یہاں موجود ہوگی، مریم نواز مے فیئرز فلیٹس کی مالکہ ہیں، اخبار نے تصدیق کردی، اس کا مطلب ہے کہ قطری کی جانب سے دیا گیا خط فراڈ ہے۔

کپتان نے کہا کہ قطری کا خط کہتا ہے لندن فلیٹس کے مالک حسین نواز ہیں، عدالت میں جوٹرسٹ ڈیڈ پیش کی گئی وہ بھی فراڈ ہے۔

انھوں نے کہا کہ شریف خاندان کا کیس تباہی کی طرف جارہا ہے، میں واحد آدمی ہوں جو اقتدارمیں آئے بغیرہی کرپٹ ہوگیا، خواجہ آصف سے پوچھیں وہ پہلے سچ بول رہے تھے یا پہلے نوازشریف کہتے ہیں والد، بچے کیسے ارب پتی بن گئے، مجھے علم نہیں۔

چیئرمین پی ٹی آئی نے کہا کہ اگرآپ سچے ہیں توآئی سی آئی جے کوعدالت میں لیکرجائیں ، ہم پرحملہ کرنے کے بجائے بی بی سی کوعدالت لیکرجائیں، سرکاری خبرایجنسی کا غلط استعمال کیا گیا، عمرچیمہ، آئی سی آئی جے، بی بی سی کونوٹس کریں، مجھ پر حملے نہ کریں۔

اس سے قبل پاکستان تحریک انصاف کے سربراہ عمران خان نے سماجی رابطے کی ویب سائٹ ٹوئٹر پر اپنے پیغام میں کہا تھا کہ آئی سی آئی جےنےمریم سےمتعلق مزید دستاویز جاری کرنے کا اعلان کیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top