پانامہ لیکس ہو یا نیوز گیٹ، حکمران احتساب سے نہیں بچ سکتے. عمران خان -
The news is by your side.

Advertisement

پانامہ لیکس ہو یا نیوز گیٹ، حکمران احتساب سے نہیں بچ سکتے. عمران خان

اسلام آباد : پاکستان تحریک انصاف کے سربراہ عمران خان کا کہنا ہے کہ پانامہ لیکس ہو یا نیوز گیٹ حکمران احتساب سے نہیں بچ سکتے۔

تفصیلات کے مطابق چیئرمین تحریک انصاف عمران خان نے مسلم لیگ ق کے رہنما میجرریٹائرڈ طاہرصادق سے ملاقات کی ، ملاقات میں پی ٹی آئی اورمیجرگروپ میں اٹک میں ضلعی حکومت مل کر تشکیل دینے کا فیصلہ ہوا۔

عمران خان کا کہنا تھا کہ پاناما لیکس ہو یا نیوزگیٹ حکمران احتساب سے نہیں بچ سکتے۔

یاد رہے کہ پاکستان تحریک انصاف کے چیئرمین عمران خان کی زیرصدارت بنی گالا میں اجلاس ہوا، جس میں پانامالیکس کیس پر وکیلوں سے اہم مشاورت اور شریف فیملی کے متضاد ویڈیو بیانات کا جائزہ لیاگیا، اجلاس میں کپتان نے کیس موثر انداز میں پیش کرنے کی ہدایت کی۔

عمران خان نے کہا کہ پانامہ لیکس سمیت نیوز گیٹ اسکینڈل پرشریف برادران اور حکومتی ذمہ داروں کا احتساب چاہتے ہیں، حکمران جماعت کو احتساب سے بچنے کا موقع فراہم نہیں کیا جائے گا۔

اس سے قبل پی ٹی آئی کے سربراہ عمران خان کی زیر صدارت پارٹی رہنماوں کا اہم اجلاس بھی ہوا ، جس میں پانامہ لیکس کے قانونی نکات اور 110این اے کے کیس سے متعلق تفصیلی تبادلہ خیال کیا گیا۔

اجلاس میں اسد عمر،شیریں مزاری،نعیم الحق اور عارف نے شرکت کی جبکہ جہانگیر ترین اور قانونی ماہر اسحق خان خاکوانی سمیت متعدد رہنما ویڈیو لنک کے ذریعے اجلاس میں شریک ہوئے۔


مزید پڑھیں : عمران خان نے نیوزگیٹ اسکینڈل پر قائم تحقیقاتی کمیٹی کومسترد کردیا


واضح رہے کہ تحریک انصاف کے چیئرمین عمران خان نے نیوز گیٹ اسکینڈل پر قائم تحقیقاتی کمیٹی کو مسترد کر دیا، عمران خان نے مؤقف اختیار کیا کہ کمیٹی کے سربراہ جسٹس عامر رضا کے شریف خاندان کے ساتھ قریبی مراسم ہیں۔

Comments

comments

یہ بھی پڑھیں