وزیرِ اعلیٰ پنجاب کا نام سب کے لیے سرپرائز ہوگا، عمران خان -
The news is by your side.

Advertisement

وزیرِ اعلیٰ پنجاب کا نام سب کے لیے سرپرائز ہوگا، عمران خان

چوہدری پرویز الہیٰ اسپیکر پنجاب اسمبلی ہوں گے، ق لیگ کو وفاق اور پنجاب میں دو دو وزارتیں دی جائیں گی

اسلام آباد: پاکستان تحریکِ انصاف کے چیئرمین عمران خان نے کہا ہے کہ وزیرِ اعلیٰ پنجاب کا نام سب کے لیے سرپرائز ہوگا، وفاق، پنجاب اور خیبر پختونخوا میں پی ٹی آئی حکومت بنائے گی۔

تفصیلات کے مطابق پی ٹی آئی قیادت میں پنجاب کے وزیرِ اعلیٰ کے منصب کو بہت زیادہ اہمیت حاصل ہو گئی ہے، قیادت کے ساتھ کئی دنوں کی مشاورت کے بعد عمران خان نے کہا ہے کہ وزیرِ اعلیٰ پنجاب کا نام سب کے لیے سرپرائز ہوگا۔

پی ٹی آئی چیئرمین عمران خان نے عزم کا اظہار کرتے ہوئے کہا کہ جنوبی پنجاب کو الگ صوبہ ضرور بنایا جائے گا، تاہم الگ صوبے کے لیے آئینی راستہ ہی اختیار کیا جائے گا۔

دریں اثنا عمران خان سے پی ٹی آئی کے نو منتخب ارکان قومی اسمبلی نے ملاقات کی، ملاقات کے دوران وفاق اور پنجاب میں حکومت سازی سے متعلق صلاح مشورے کیے گئے۔

کپتان نے ملاقات میں اہم امور پر اراکین اسمبلی کو اعتماد میں لے لیا، وفاق اور پنجاب میں حکومت سازی کے لیے ق لیگ اور پی ٹی آئی میں فارمولا بھی طے ہو گیا۔

عمران کی حلف برداری کو مختصر رکھنے کا فیصلہ، سرحد پار کھلاڑیوں کا شکریہ

فارمولے کے مطابق چوہدری پرویز الہیٰ اسپیکر پنجاب اسمبلی ہوں گے جب کہ ق لیگ کو وفاق اور پنجاب میں دو دو وزارتیں بھی دی جائیں گی۔

واضح رہے کہ پاکستان تحریکِ انصاف کے تازہ اعلامیے کے مطابق چیئرمین اور پاکستان کے ممکنہ وزیراعظم عمران خان کی حلف برداری کی تقریب کو مختصر رکھنے کا فیصلہ کیا گیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں