The news is by your side.

Advertisement

اب تحریک انصاف کو کسی اسکینڈل سے نقصان نہیں پہنچے گا: عمران خان

جدہ: پی ٹی آئی کے چیئرمین عمران خان نے کہا ہے کہ عوام مجرم کو حکمران بنا دیں، تو ملک تباہ ہوجاتے ہیں.

ان خیالات کا اظہار انھوں نے سعودی عرب میں پی ٹی آئی کارکنان سے ملاقات کے موقع پر کیا. ان کا کہنا تھا کہ کبھی یہ نہیں سوچنا کہ پاکستان ایک غریب ملک ہے.

عمران خان نے کہا کہ یہ نہ کہا کریں کہ پاکستان میں ترقی کےمواقع نہیں، پاکستان وسائل سے مالامال ہے. فیصلہ عوام کے ہاتھ میں ہے، مغرب کا نظام بددیانت لوگوں کو اوپرنہیں آنے دیتا.

عمران خان نے کہا کہ اگر ملک کا سربراہ چوری پرلگ جائے تو ملک کا بھٹا بیٹھ جاتا ہے، خیبرپختونخواہ کو ترقی کی راہوں پر ڈال دیا ہے، خیبر پختونخواہ میں پہلی باری تھی اورتجربہ بھی نہیں تھا، اس کے باوجود صوبہ صحت، تعلیم، ماحولیات میں آگے نکل گیا.

پی ٹی آئی چیئرمین کا کہنا تھا کہ 90 فی صد پارٹی ٹکٹ ٹھیک دیے گئے ہیں، 10 فی صد ٹکٹوں پر پرانے ورکز کے تحفظات دورکریں گے، جمعرات سے متنازع ٹکٹوں پرنظرثانی شروع کی جائے گی، کسی سے زیادتی نہیں ہوگی، اقتدار ملے بغیر تبدیلی نہیں آئے گی۔

عمران خان نے کہا کہ افتخارچوہدری نے 2013 میں آر اوز کی مدد سے نوازشریف کوجتوایا، افتخارچوہدری کو نوازشریف نے صدر نہیں بنایا، تو وہ پیچھے ہٹ گئے، کسی بھی اسکینڈل سے تحریک انصاف کونقصان نہیں پہنچے گا۔

یاد رہے کہ پی ٹی آئی چیئرمین اس وقت نجی دورے پر سعودی عرب میں‌ موجود ہیں. انھوں نے رمضان کی 27 ویں شب مسجد نبوی ﷺ میں عبادت میں گزاری، بعد ازاں انھوں‌نے مکہ مکرمہ میں عمرہ ادا کیا.


عمران خان نے رمضان کی27ویں شب مسجد نبوی ﷺ میں عبادت میں گزاری


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں