The news is by your side.

Advertisement

عمران خان کا سیالکوٹ واقعے کا نوٹس ، پارٹی قائدین کو اہم ہدایت جاری

اسلام آباد : چیئرمین تحریک انصاف عمران خان نے سیالکوٹ میں ریاستی طاقت کے استعمال پر افسوس کا اظہار کرتے ہوئے اہم قائدین کو فوری سیالکوٹ پہنچنے کی ہدایت کردی۔

تفصیلات کے مطابق چیئرمین تحریک انصاف عمران خان نے سیالکوٹ واقعے کا نوٹس لیتے ہوئے ریاستی طاقت کے استعمال پر افسوس کا اظہار کیا۔

عمران خان نے پارٹی کے اہم قائدین کو فوری سیالکوٹ پہنچنے کی ہدایت کردی ، جس کے بعد شفقت محمود، فواد چوہدری اور دیگر رہنما سیالکوٹ کیلئے روانہ ہوگئے ہیں۔

دوسری جانب سیالکوٹ کی صورتحال پر عمران خان نے ہنگامی اجلاس بنی گالہ میں طلب کرلیا ہے۔

ذرائع کا کہنا ہے کہ پی ٹی آئی کی مرکزی قیادت اجلاس میں شریک ہوگی،اجلاس میں ملکی سیاسی اور سیالکوٹ کی صورتحال کا جائزہ لیا جائےگا۔

عمران خان موجودہ صورتحال پر مرکزی قیادت سے مشاورت کریں گے اور آئندہ کی حکمت عملی پر غور کیا جائے گا۔

یاد رہے آج صبح پولیس نے سیالکوٹ میں پی ٹی آئی کی جلسے کی تیاری میں مصروف کارکنوں پر دھاوا بول دیا اور اسٹیج سے کرسیاں سمیت دیگرسامان اٹھا کر پھینک دیا۔

تحریک انصاف کے کارکنوں سے پنڈال خالی کرانے کیلئے پولیس کی آنسو گیس اورلاٹھی چارج کیا، جس کے باعث کئی کارکن زخمی ہوگئے۔

پولیس نےکرین کی مدد سےاسٹیج ہٹانے کی کوشش کی تو کارکنان سامنےآگئے اور مزاحمت پر عثمان ڈارسمیت متعدد کارکنان کو گرفتار کرکے ساتھ لے گئے۔

Comments

یہ بھی پڑھیں