اسلام آباد: پاکستان تحریک انصاف کے چیئرمین عمران خان کا کہنا ہے کہ قدرتی آفات سے بچاؤ کے لئے اقدامات کئے جائیں گے، اسپتال میں زیرعلاج مریضوں اور کام میں مصروف ڈاکٹروں کو پریشانی سے بچانے کے لئے اسپتالوں کے دورے کم کئے جائیں۔
عمران خان نے پشاور کے لیڈی ریڈنگ اسپتال میں زلزلے کے زخمیوں کی عیادت کی، اس موقع پر میڈیا سے گفتگو میں عمران خان کا کہنا تھا کہ اسپتالوں کے دورے کم کئے جائیں، اسپتالوں کے دوروں سے ڈاکٹروں کا کام متاثر ہورہا ہے۔
عمران خان نے کہا نقصان کا اندازہ لگایا جا رہا ہے، مکمل تخیمینے کے بعد غیر ملکی مدد حاصل کرنے یا نہ کرنے کا فیصلہ کیا جائے گا، اسپتال کے باہرمریضوں کے اہلخانہ نے عمران خان سے ملاقات کی کوشش کی، جسے پولیس نے ناکام بنا دیا جس پرانہوں نے احتجاج کیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں