تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پی ٹی آئی نے قومی اسمبلی سے مستعفی ہونے کیلئے حکمت عملی تبدیل کرلی

اسلام آباد: پاکستان تحریک انصاف نے قومی اسمبلی سے استعفوں سے متعلق اپنی حکمت عملی کو تبدیل کرلیا ہے۔

ذرائع کے مطابق اسپیکر قومی اسمبلی کی جانب سے ارکان پی ٹی آئی کے استعفے منظور نہ کئے جانے پر اب حکمت عملی تبدیل کرلی گئی ہے، مستعفی ہونے والے ارکان اسمبلی نے ایوان میں واپس جاکر فلور پر مستعفی ہونے کا فیصلہ کیا ہے۔

ذرائع کا کہنا ہے کہ حکمت عملی کے تحت تمام ارکان اسمبلی پی ٹی آئی انفرادی طور پر مستعفی ہونگے، اسپیکر کےروبرو کھڑے ہوکراعلان کرنے پراستعفے فوری منظورتصور ہونگے۔

ذرائع کے مطابق ارکان کی قومی اسمبلی میں واپسی سے قبل صوبائی اسمبلیاں تحلیل ہوں گی۔

واضح رہے کہ گذشتہ روز اسپیکر قومی اسمبلی راجا پرویز اشرف نے لاہور میں میڈیا سے گفتگو کرتے ہوئے پی ٹی آئی کو ایک بار پھر پارلیمان میں واپسی کی دعوت دی تھی۔

اسپیکر قومی اسمبلی کا کہنا تھا کہ پی ٹی آئی کے پاس مینڈیٹ ہے وہ پارلیمان میں واپس آئیں کیونکہ ملک کو درپیش چیلنجز پر قابو پانے کا ہمارا فورم پارلیمان ہے اور تمام مسائل کا حل موجود ہے، اسے نظر انداز کرکے آگے نہیں بڑھا جاسکتا ہے۔

یاد رہے کہ تحریک انصاف نے قومی اسمبلی میں واپسی کے لیے حکومت کے سامنے قبل ازوقت انتخابات کی شرط رکھی ہوئی ہے۔

Comments

- Advertisement -
عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔