The news is by your side.

Advertisement

پی ٹی آئی کی ایم کیو ایم کو حکومت سازی کےعمل میں مل بیٹھنے کی دعوت

اسلام آباد : پاکستان تحریک انصاف کے رہنما جہانگیرترین نے ایم کیو ایم پاکستان کے رہنما خالد مقبول صدیق سے رابطہ کیا اور حکومت سازی کےعمل میں مل بیٹھنے کی دعوت دے دی۔

تفصیلات کے مطابق عمران خان نے حکومت بنانے کے لیے سیاسی رابطے شروع کر دئیے ہیں، پاکستان تحریک انصاف کے رہنما جہانگیر ترین نے عام انتخابات کے نتائج کے بعد متحدہ قومی موومنٹ کے کنوینر خالد مقبول صدیقی سے ٹیلفونک رابطہ کیا اور حکومت سازی کے عمل میں مل بیٹھنے کی دعوت دے دی۔

جس کے بعد ایم کیوایم نے پی ٹی آئی کو گرین سگنل دے دیا اورحکومت سازی کیلئے مل بیٹھ کر بات کرنے پر آمادگی کا اظہار کیا۔

رابطے میں جہانگیر ترین اور خالد مقبول صدیقی نے ملاقات پر اتفاق کیا ، دونوں جماعتوں کے وفود کل تک ملاقات کریں گے، جس میں حکومت سازی کےعمل کے لئے با ضابطہ مذاکرات ہوں گے۔

خیال رہے کہحکومت سازی کے لیے دونوں پارٹیوں کے درمیان یہ پہلا با ضابطہ رابطہ ہے۔ْ


مزید پڑھیں : تحریک انصاف کا مرکز سمیت 3 صوبوں میں حکومت بنانے کا اعلان


یاد رہے کہ پاکستان تحریک انصاف نے مرکز اور پنجاب سمیت تین صوبوں میں حکومت بنانے کا اعلان کردیا ہےجبکہ سندھ میں اپوزیشن بینچوں پر بیٹھنے کا فیصلہ کیا ہے۔

واضح رہے کہ الیکشن کمیشن نےدو سواکیاون حلقوں کے نتائج کااعلان کردیا ہے ، جس کے مطابق پی ٹی آئی 115 نشستوں کے ساتھ قومی اسمبلی کی سب سے بڑی جماعت بن گئی، ن لیگ 62 سیٹوں کے ساتھ دوسرے جبکہ پیپلزپارٹی 42 نشستوں کےساتھ تیسرے نمبرپر ہے۔

Comments

comments

یہ بھی پڑھیں