The news is by your side.

Advertisement

اسلام آباد بند کروانے کا فیصلہ آج کور گروپ کے اجلاس میں ہوگا

اسلام آباد : پانامہ لیکس کی تحقیقات پر وزیراعظم کے استعفے کیلئے تحریک انصاف اسلام آباد بند کروانے کا فیصلہ نہ کر سکی، حتمی فیصلہ آج کور گروپ کے اجلاس میں ہوگا،عمران خان کا کہنا ہے کہ وزیراعظم کےاستعفی تک اسلام آبادمیں بیٹھنا ہوگا۔

تفصیلات کے مطابق پاکستان تحریک انصاف کے چیئرمین عمران خان نے اسلام آباد بند کرنے کی حکمت عملی اور تاریخ میں تبدیلی کے لئے مشاورت مزید تیز کر دی ہے، جہانگیرترین اورعلیم خان نے بنی گالہ میں عمران خان سے ملاقات کی، ملاقات میں دھرنے کے حوالے سے تبادلہ خیال کیا گیا۔

pti-post-1

 

عوامی مسلم لیگ کے سربراہ شیخ رشید اور پاکستان تحریک انصاف کے رہنما اسد عمر کی قیادت میں قائم ٹاسک فورس نے بھی عمران خان سے ملاقات کی۔


مزید پڑھیں : اسلام آباد کی بندش، عمران خان کل لائحہ عمل کا اعلان کریں گے


مختلف وفود سے گفتگو کرتے ہوئے عمران خان کا کہنا تھا وزیراعظم کے استعفی تک اسلام آباد میں بیٹھنا ہوگا، پاناما لیکس کی شفاف تحقیقات تک احتجاج جاری رہے گا, احتجاج پرامن ہوگا اور اس بار حکمرانوں کو احتساب سے بھاگنے نہیں دیں گے۔

ذرائع کے مطابق اسلام آباد بند کرنے کے لئے رہنماوٴں کی اکثریت کی جانب سے دو نومبر کی تاریخ پر اتفاق کی تجویز سامنے آئی ہے لیکن حتمی اعلان آج کور گروپ کے اجلاس کے بعد عمران خان خود کریں گے۔

ذرائع کے مطابق شیخ رشید نے عمران خان کو لال حویلی کے باہر جلسے سے خطاب کی دعوت دی، جسے کپتان نے قبول کر لیا، عمران خان اٹھائیس اکتوبر کو لال حویلی جائیں گے اور اسلام آباد کے بڑے میچ سے پہلے دونوں جماعتوں کے کارکنوں کو وارم اپ کریں گے۔


مزید پڑھیں : عمران خان کی دھرنے کے لیے کارکنوں سے چندے کی اپیل


یاد رہے کہ گزشتہ روز تحریک انصاف کے سربراہ عمران خان نے کارکنان سے دھرنے کے لیے کم از کم سو سو روپے بطور چندہ جمع کرانے کی اپیل کرتے ہوئے حکومت کے خاتمے تک دھرنے پر بیٹھے رہنے کے عزم کا اعادہ کیا تھا۔

Comments

comments

یہ بھی پڑھیں