The news is by your side.

Advertisement

تحریک انصاف کا بڑا فیصلہ ، منحرف ارکان پنجاب اسمبلی کا سیاسی مستقبل داؤ پر لگ گیا

لاہور : تحریک انصاف نے پنجاب اسمبلی میں 20 منحرف ارکان کے خلاف فلور کراسنگ کا ریفرنس بھیجنے کا فیصلہ کرلیا۔

تفصیلات کے مطابق پنجاب اسمبلی میں تحریک انصاف کے منحرف ارکان کیلئے سیاسی مشکلات میں اضافہ ہوگیا ، ذرائع کا کہنا ہے کہ تحریک انصاف نے 20منحرف ارکان کے خلاف فلورکراسنگ کا ریفرنس بھیجنے کا فیصلہ کرلیا۔

ذرائع نے بتایا کہ ریفرنس پی ٹی آئی کے چیف وہپ عباس علی شاہ آج اسپیکر کے حوالے کریں گے، اسپیکرپنجاب اسمبلی ریفرنس کو منظور کرنے کے بعد الیکشن کمیشن کو بھجوائیں گے۔

ذرائع کا کہنا ہے کہ الیکشن کمیشن ایک ماہ کےاندرریفرنس کافیصلہ کرنے کا پابند ہے۔

منحرف ارکان پنجاب اسمبلی کا مستقبل داؤپرلگ گیا ،جن میں علیم خان، اسد کھوکھر، نعمان لنگڑیال ، اعجاز عالم، اجمل چیمہ، سعید اکبر نوانی، فیصل جبوانہ، زوار وڑائچ ، سلمان نعیم شیخ سمیت کئی ارکان شامل ہیں۔

ذرائع کا کہنا تھا کہ آزادارکان چوہدری نثار، احمدعلی اولکھ، جگنومحسن ، راجہ صغیر،قاسم لنگاہ،بلال اصغروڑائچ پر 63 اے لاگو نہیں ہوگا۔

ذرائع نے بتایا ہے کہ ن لیگ کاان اراکین کو فی الحال حکومتی عہدہ یا کابینہ میں شامل نہ کرنے کا فیصلہ کیا ہے۔

Comments

یہ بھی پڑھیں