The news is by your side.

Advertisement

تحریک انصاف کا جعلی مقدمات کا معاملہ اقوام متحدہ میں اٹھانے کا فیصلہ

اسلام آباد : تحریک انصاف نے جعلی مقدمات کا معاملہ اقوام متحدہ میں اٹھانے کا فیصلہ کرلیا، اقوام متحدہ سے معاملے پر تفصیلی انکوائری کا کہا جائے گا۔

تفصیلات کے مطابق توہین مذہب قوانین کے استعمال اور سیاسی حریفوں پر مقدمے بنانے کے معاملے پر تحریک انصاف نے جعلی مقدمات کا معاملہ اقوام متحدہ میں اٹھانے کا فیصلہ کرلیا ، اس حوالے سے شیریں مزاری کی جانب سے اقوام متحدہ انسانی حقوق نمائندے کو خط لکھا جارہا ہے۔

جس میں جعلی مقدمے بنانے کے معاملے پر تفصیلی انکوائری کی درخواست کی جائیں گی.۔

مسلم لیگ ق کے رہنما پرویز الہی اورمونس الہی نے مقدمات بنائے جانے کی مذمت کی ، پرویزالہی نے کہا کہ مقدمے بنانا فسطائی حکومت کی بھونڈی حرکت ہے، شریفوں نے تاریخ سے سبق نہیں سیکھا۔

عمران خان کے خلاف مقدمہ درج کرنے پر فیصل آباد کےعوام مشتعل ہوگئے اور تھانہ مدینہ ٹاؤن کے باہراحتجاج کرتے ہوئے جوابی مقدمہ درج کرنے کے لیے درخواست بھی جمع کرادی۔

درخواست میں وزیراعظم شہباز شریف،وزیرداخلہ رانا ثنا اللہ ، مریم نواز اورنوازشریف کو نامزد کیا گیا ہے۔

Comments

یہ بھی پڑھیں