The news is by your side.

Advertisement

تحریک انصاف کا چاروں صوبوں کے گورنرزکوتبدیل کرنے کا فیصلہ

اسلام آباد : پاکستان تحریک انصاف نے حکومت سنبھالتے ہی چاروں صوبوں کے گورنرز تبدیل کرنے کا فیصلہ کیا ہے۔

تفصیلات کے مطابق پی ٹی آئی نےحکومت سنبھالنے کے بعد سندھ، پنجاب، خیبرپختونخوا اور بلوچستان کے گورنرز کو ہٹانے کا فیصلہ کیا ہے۔

پاکستان تحریک انصاف نے گورنرزتبدیلی کا فیصلہ پارٹی کے مشاورتی اجلاس میں کیا۔

خیال رہے کہ صوبہ پنجاب مسلم لیگ ن کےرہنما ملک رفیق رجوانہ، سندھ میں محمدزبیر،خیبرپختونخواہ میں اقبال ظفرجھگڑا گورنر کی حیثیت سے فرائض سرانجام دے رہیں جبکہ بلوچستان کے گورنرمحمد خان اچکزئی پشتونخوا ملی عوامی پارٹی کے صدر محمود خان اچکزئی کے بھائی ہیں۔

الیکشن کمیشن کا قومی اسمبلی کی251 نشستوں پرنتائج کا اعلان

واضح رہے کہ الیکشن کمیشن آف پاکستان نے قومی اسمبلی کی 251 نشتوں کے نتائج جاری کردیے جس کے مطابق تحریک انصاف قومی اسمبلی میں 110 نشتوں کے ساتھ سرفہرست ہے۔

الیکشن کمیشن کے جاری کردہ نتائج کے مطابق قومی اسمبلی اور خیبرپختونخواہ اسمبلی میں تحریک انصاف پنجاب اسمبلی میں مسلم لیگ ن، سندھ اسمبلی میں پیپلزپارٹی جبکہ بلوچستان اسمبلی میں بلوچستان عوامی پارٹی کو برتری حاصل ہے۔

الیکشن کمیشن کی جانب سے قومی اسمبلی کے 19، پنجاب کے 6 سندھ کے 11، خیبرپختونخواہ اور بلوچستان کے 5 حلقوں کے نتائج جاری نہیں کیے گئے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں