جے یو آئی کا کہنا ہے کہ بیرسٹر گوہر کی قیادت میں 5 رکنی وفد آج رات مولانا فضل الرحمان سے ملاقات کرے گا۔
تفصیلات کے مطابق ذرائع جے یو آئی کا کہنا ہے کہ پی ٹی آئی کی اعلیٰ قیادت نے جے یو آئی سے رابطہ کرلیا ہے۔ سینئر رہنما بیرسٹر گوہر کی قیادت میں 5 رکنی وفد آج رات فضل الرحمان سے ملاقات کرے گا۔
جے یو آئی کے ذرائع نے مزید بتایا کہ وفد میں اسد قیصر، بیرسٹر سیف اور اخوند زادہ حسین احمد بھی شامل ہوں گے۔
ذرائع کا کہنا تھا کہ پاکستان تحریک انصاف کی جانب سے جے یو آئی کے ساتھ پارلیمان میں بیٹھنے پر بھی بات ہوگی۔
پی ٹی آئی کی اعلیٰ قیادت نے جے یو آئی سے رابطہ کرلیا، ذرائع جے یو آئی#ARYNews #PTI #JUI pic.twitter.com/g1komG6FDu
— ARY NEWS (@ARYNEWSOFFICIAL) February 15, 2024
واضح رہے کہ اس سے قبل خبر آئی تھی کہ اسد قیصر فضل الرحمان سے ملاقات کیلئے رابطہ کریں گے، انتخابی دھاندلی کے ایک نکاتی ایجنڈے پر دونوں پارٹیوں میں دوریاں کم ہونے کا امکان ہے۔
خیال رہے بانی پی ٹی آئی نے اسد قیصر کو جے یو آئی سے رابطے کا اختیار دیا تھا۔ اڈیالہ جیل کے باہر میڈیا سے گفتگو میں سابق اسپیکر قومی اسمبلی اسد قیصرنے کہا تھا کہ دھاندلی کے خلاف تحریک شروع کرنے جارہے ہیں،
ان کا کہنا تھا کہ بانی پی ٹی آئی نے مجھے دھاندلی کے خلاف احتجاج کرنے والی تمام جماعتوں سے رابطے کا ٹاسک دیا ہے، مل بیٹھ کرلائحہ عمل طے کریں گے۔
رہنما پی ٹی آئی نے مزید کہا تھا کہ جماعت اسلامی، جمعیت علمائےاسلام اور اےاین پی سے رابطہ کریں گے جبکہ اسد قیصر آفتاب شیرپاؤ سمیت دیگر سے بھی رابطہ کررہے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں