کراچی : پی ٹی آئی کا وفد آج ایم کیو ایم کے مرکز کا دورہ کرے گا جس میں دونوں پارٹیوں کے رہنما اہم امور پر غور کریں۔
تفصیلات کے مطابق پی ٹی آئی کا وفد شاہ محمودقریشی کی قیادت میں ایم کیوایم پاکستان کے عارضی مرکز کا دورہ کرے گا، وفد میں شاہ محمود قریشی، اسد عمر، عمران اسماعیل اور فردوس شمیم نقوی شامل ہوں گی۔
ایم کیو ایم پاکستان کی جانب سے سربراہ فاروق ستار اور دیگر رہنما شریک ہوں گے۔
اجلاس میں دونوں پارٹیوں کے رہنما اپوزیشن لیڈرکی تبدیلی اور سندھ کی سیاسی صورتحال پر تبادلہ خیال کریں گے۔
مزید پڑھیں : فاروق ستار کا شاہ محمود قریشی سے ٹیلی فونک رابطہ
یاد رہے اس سے قبل متحدہ قومی موومنٹ پاکستان کے سربراہ ڈاکٹر فاروق ستار نے پاکستان تحریک انصاف کے رہنما شاہ محمود قریشی سے ٹیلی فونک رابطہ کیا تھا اور اپوزیشن لیڈر کی تبدیلی پر مشاورت سمیت ملک کی سیاسی صورتحال اور انتخابی اصلاحات پر بھی تبادلہ خیال کیا گیا تھا۔
ایم کیو ایم پاکستان کی حمایت کے بعد تحریک انصاف کے امیدوار کا بطور اپوزیشن لیڈر پلڑا بھاری ہو نے کا قوی امکان ہے۔
خیال رہے کہ گذشتہ روز اپوزیشن لیڈر شاہ محمود قریشی نے پریس کانفرنس کرتے ہوئے کہا تھا کہ مجھے ہٹانے کے لئے ایم کیو ایم اور پی ٹی آئی متحد ہورہی ہیں، پی ٹی آئی نے ایم کیوایم پاکستان کے خلاف شروع سے الگ رویہ اپنایا، تحریک انصاف نے شروع سے ایم کیوایم پاکستان کی دل آزاری کی ہے، پی ٹی آئی کم سے کم اس دل آزاری کی معافی مانگے کر ان کے پاس جائے۔
