اسلام آباد : تحریک انصاف نے وزیر داخلہ احسن اقبال سےاستعفی کا مطالبہ کردیا، بابراعوان نے کہا یہ آدم خورحکومت ہے،دھرنےمیں شہادتیں نااہل وزیرداخلہ کی وجہ سے ہوئیں۔

تفصیلات کے مطابق پی ٹی آئی نے وزیر داخلہ احسن اقبال سےاستعفی کا مطالبہ کردیا ہے ، بابر اعوان کا کہنا ہے کہ دھرنےمیں شہادتیں نااہل وزیرداخلہ کی وجہ سےہوئیں۔

بابر اعوان کا کہنا ہے کہ پاک فوج نے یرغمال اسلام آباد کووا گزار کرایا، 3 گھنٹے میں دھرناصاف کرنےوالوں نے3 دن پاکستان بندرکھا،احسن اقبال مستعفی ہوں۔

پی ٹی آئی کے رہنما نے مطالبہ کیا کہ فوری حکومت ختم کرکے الیکشن کرائےجائیں۔

انکا کہنا تھا کہ وزیراعظم اوروزیر داخلہ کے بیانات متصادم ہیں، تحریک انصاف الیکشن کے التوا کی حامی نہیں، نیا پیٹرول بم عوام پر گرایا جارہا ہے۔

رہنما تحریک انصاف نے کہا کہ نئے انتخاب کے لئے حکومت کو فوری توڑا جائے، پاکستان اندرونی طور پر مستحکم ہے۔

مزید پڑھیں : وزیراعظم شاہد خاقان اوراحسن اقبال فوری طورپراستعفیٰ دیں، عمران خان

اس سے قبل چیئرمین تحریک انصاف عمران خان نے بھی وزیراعظم شاہد خاقان ، وفاقی وزراء احسن اقبال  کے فوری  استعفی کا مطالبہ کیا تھا ۔

یاد رہے چند روز قبل پاکستان تحریک انصاف کے رہنما جہانگیر ترین کا کہنا تھا کہ وزیرداخلہ احسن اقبال کی ناکامی کے باعث اسلام آباد میں فوج طلب کرنا پڑی، ملک میں پھیلا فساد وزیرداخلہ کےغلط اندازوں کانتیجہ ہے، احسن اقبال نے حل کے بجائے کھوکھلے دعوے کیے۔

مزید پڑھیں : ملک میں پھیلا فساد وزیرداخلہ کےغلط اندازوں کانتیجہ ہے، جہانگیر ترین

اد رہے کہ چند روز قبل اسلام آباد میں 20 روز سے جاری تحریک یارسول اللہ ﷺ کے مظاہرین پر حکومت کی جانب سے آپریشن کے بعد حالات کشیدہ ہوگئے تھے اور احتجاج اور ہنگامہ آرائی کا سلسلہ ملک بھر میں شروع ہوگیا تھا۔

بعد ازاں تحریک یارسول اللہ ﷺ نے وزیر قانون زاہد حامد کے استعفیٰ اور حکومت سے معاہدے کے بعد احتجاج ختم کردیا تھا۔

وفاقی حکومت اور تحریک لبیک کے درمیان معاہدہ آرمی چیف جنرل قمر جاوید باجوہ اوران کےنمائندہ خصوصی کی کاوشوں سے طے پایا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔