site
stats
پاکستان

ڈان لیکس رپورٹ منظر عام پر نہ آئی تو مزاحمت کریں گے، پی ٹی آئی

اسلام آباد: تحریک انصاف نے ڈان لیکس کی رپورٹ منظر عام پر لانے کا مطالبہ کرتے ہوئے کہا ہے کہ وزیراعظم اور وزیرداخلہ قوم سے کھیلنے کی کوشش نہ کریں اور رپورٹ پبلک کریں۔

اسلام آباد میں میڈیا سے گفتگو کرتے ہوئے نعیم الحق نے کہا کہ ڈان لیکس کی رپورٹ دبانے کی کوشش کی گئی تو سخت مزاحمت کی جائے گی، رپورٹ میں نامزد حقیقی مجرموں کو سزا دینے کے امکانات نظر نہیں آرہے۔

انہوں نے کہا کہ وزارتِ داخلہ اور اعظم ہاؤس نے سنجیدہ مسئلے کو پنگ پونگ بنا کررکھ دیا، ڈان لیکس کے معاملے پر قوم سے کسی کو کھیلنے کی اجازت نہیں دی جائے گی۔

نعیم الحق نے سوال کیا کہ ڈان لیکس کمیشن نے وزیراعظم اور اُن کی صاحبزادی سے تفتیش کی؟ اگر ایسا نہیں کیا گیا تو سارے تماشے کی کیا ضرورت تھی، کسی اور کو قربانی کا بکرا بنا کر اصل مجرم کو چھپنے نہیں دیں گے۔

انہوں نے مزید کہا کہ قوم کی آنکھوں میں کسی کو دھول نہیں جھونکنے دیں گے، تمام معاملے کا انتہائی باریک بینی سے جائزہ لے رہے ہیں اور جلد آئندہ کی حکمت عملی طے کریں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top