site
stats
پاکستان

تحریکِ انصاف کا پی ٹی وی سے عمران خان کا خطاب نشرکرنے کا مطالبہ

اسلام آباد: پاکستان تحریکِ انصاف نے سرکاری نشریاتی ادارے پی ٹی وی سے مطالبہ کیا ہے کہ ان کی جماعت کے سربراہ عمران خان کا قوم سے خطاب براہ راست دکھانے کے انتظامات کیے جائیں۔

پاکستان تحریک انصاف کے مرکزی سیکرٹری انفارمیشن نعیم الحق کا کہنا ہے کہ تحریک انصاف کے سربراہ عمران خان اتوار کی شام چار بجے قوم سے خطاب کریں گے جس کی براہ راست کوریج کی درخواست کی گئی ہے۔

’’پی ٹی وی ایک قومی اثاثۃ ہے اور یہ کسی ایک شخص یا خاندان کی تعریف کرنے کے لیے نہیں ہے۔ وزیراعظم نواز شریف اور ان کے اہل خانہ کی طرح ہر پاکستانی کا پی ٹی وی پراتنا ہی حق ہے‘‘۔

تحریک انصاف کی جانب سے جاری کردہ مراسلے میں کہا گیا ہے کہ حکومتی جماعت کے وزراء نے پنامہ پیپرز کے معاملے پر عوام کو گمراہ کیا ہے اور شوکت خانم اسپتال کے بارے میں بھی غلط بیانی کی ہے۔

یہاں یہ بات قابل ذکر ہے کہ انفارمیشن ڈیپارٹمنٹ نے تحریک انصاف کے رہنما نعیم الحق کو پی آئی ڈی بلڈنگ میں پریس کانفرنس کی اجازت دی جہاں اس سے قبل محض حکمران جماعت کو ہی پریس سے خطاب کی اجازت ملا کرتی تھی۔

کہا جارہا ہے کہ تاریخ میں پہلی بار ایسا ہوا ہے کہ ایک اپوزیشن کی جماعت کو پی آئی ڈٰی میں پریس کانفرنس کی اجازت دی گئی ہو۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top