site
stats
پاکستان

پی ٹی آئی نے نیشنل بینک کے صدر سے استعفی مانگ لیا

اسلام آباد: پاکستان تحریک انصاف نے نیشنل بینک کے نئے صدر سعید احمد سے مستعفی ہونے کا مطالبہ کردیا اور کہا ہے کہ وہ منصب سے الگ نہ ہوئے تو ان کے خلاف منصوبہ بندی شروع کردیں گے۔

اطلاعات کے مطابق تحریک انصاف نے نیشنل بینک آف پاکستان کے صدر سعید احمد کو خط لکھا ہے جس میں مطالبہ کیا ہے کہ وہ فوری طور پر اپنے عہدے سے مستعفی ہوجائیں کیوں کہ منی لانڈرنگ میں ملوث ہیں۔

خط رہنما پی ٹی آئی عمران اسماعیل کی جانب سے تحریر کیا گیا ہے جس میں نیشنل بینک آف پاکستان کے صدر کو مخاطب کرتے ہوئے کہا گیا ہے کہ آپ کی تقرری پر پوری قوم نے ناگواری کا اظہار کیا، ہے منی لانڈرنگ کیس میں ملوث ہونے کے سبب آپ کسی بھی قومی کردار کے لیے موزوں نہیں۔

عمران اسماعیل نے کہا ہے کہ وزیر خزانہ نے اقرار کیا کہ آپ نے منی لانڈرنگ میں ان کی معاونت کی، اور صدر کا عہدہ سیاسی رشوت کے تحت دیا گیا اس لیے فی الفور نیشنل بینک کی صدارت سے اپنے آپ کو الگ کریں۔

انہوں نے صدر نیشنل بینک کو خبردار کیا کہ وہ منصب سے الگ نہ ہوئے تو ان کے احتساب کے لیے پاکستان تحریک انصاف بھرپور منصوبہ بندی کرے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top