The news is by your side.

Advertisement

پی ٹی آئی سندھ کی جانب سے 3 روزہ دفاع پاکستان مارچ کا آغاز

کراچی: پاکستان تحریک انصاف سندھ کی جانب سے 3 روزہ دفاع پاکستان مارچ کا آغاز کردیا گیا، مارچ کا اختتام بروزمنگل درگاہ لعل شہبازقلندرپر ہوگا۔

تفصیلات کے مطابق تحریک انصاف کے رکن سندھ اسمبلی حلیم عادل شیخ اور دیگر ارکان اسمبلی کی قیادت میں کراچی سے 3 روزہ دفاع پاکستان مارچ کا آغاز کردیا گیا۔

حلیم عادل شیخ کے مطابق عوامی ایکسپریس کے ذریعے رحیم یار خان تک مارچ کیا جائے گا، 11 مارچ کو بذریعہ روڈ اوباڑوسے لاڑکانہ پہنچیں گے، مارچ کا اختتام بروزمنگل درگاہ لعل شہباز قلندر پرہوگا۔

تحریک انصاف کے رہنما نے کہا کہ مارچ ملکی سلامتی امن وبقا، یکجہتی اوردفاع کے لیے نکالا جا رہا ہے، امن مارچ اندرون سندھ 22 مقامات پرجائے گا۔

حلیم عادل شیخ کا کہنا ہے کہ مودی ارض پاک کی جانب میلی آنکھ سے نہ دیکھے، مودی کو بتانا چاہتے ہیں ہم لڑنے کو بھی تیارہیں اورمرنے کوبھی۔

تحریک انصاف کے رہنما نے کہا کہ پورے ملک کی طرح سندھ کے عوام بھی پاک فوج کوسلام پیش کرتے ہیں۔

مودی الیکشن جیتنے کے چکرمیں ایشیا کوآگ میں دھکیل رہا ہے‘ گورنرپنجاب

یاد رہے کہ گزشتہ روز گورنرپنجاب کا کہنا تھا کہ کہ مودی الیکشن جیتنے کے چکرمیں ایشیا کوآگ میں دھکیل رہا ہے، بھارت کشمیریوں پرظلم کے پہاڑتوڑ رہا ہے۔

Comments

comments

یہ بھی پڑھیں