اسلام آباد: تحریک انصاف کے رہنما فواد چوہدری کا کہنا ہے کہ فارن فنڈنگ سے متعلق الیکشن کمیشن کا فیصلہ عدالت دیکھ کر ہی اڑا دے گی۔
اے آر وائی نیوز کے پروگرام ’الیونتھ آور‘ میں گفتگو کرتے ہوئے پی ٹی آئی رہنما فواد چوہدری نے کہا کہ الیکشن کمیشن کا فیصلہ عدالت میں لے جائیں گے یہ تو اتنے نااہل ہیں کہ عدالت میں کہا الیکشن ہی نہیں کراسکتے۔
انہوں نے کہا کہ الیکشن کمیشن کا کام ہے ہرسال ہرجماعت کے فنڈز کی جانچ کرے، ان کا فیصلہ آئینی و قانونی نہیں سیاسی ہے۔
فواد چوہدری نے کہا کہ الیکشن کمیشن کو وزیر قانون نے جیسے لکھ کردیا انہوں نے پڑھ دیا۔
مزید پڑھیں: تحریک انصاف کا الیکشن کمیشن کے فیصلے کو چیلنج کرنے کا اعلان
انہوں نے سوال اٹھایا کہ یہ الیکشن میں کیوں نہیں جاتے کیونکہ پی ٹی آئی پر پابندی لگانا چاہتے ہیں۔
پی ٹی آْئی رہنما نے کہا کہ الیکشن کمیشن نے آئین و قانون سے ہٹ کر جو کرنا تھا کرلیا ہے انہوں نے فیصلے میں لکھا ہے حکومت مزید قانونی کارروائی کرے لیکن الیکشن کمیشن اس قسم کی ہدایات نہیں دے سکتا۔
فواد چوہدری نے کہا کہ ہماری قانونی ٹیم فیصلے پر مشاورت کے بعد عدالت میں چیلنج کرے گی جبکہ موجودہ حکمرانوں اور الیکشن کمیشن نے اوورسیز کے خلاف محاذ کھول دیا ہے۔
