The news is by your side.

Advertisement

امن کے دعوے کرنے والے رینجرز کو آپریشن کی اجازت نہیں دے رہے تھے: فواد چوہدری

لاہور: پاکستان تحریکِ انصاف کے ترجمان فواد چوہدری کا کہنا ہے کہ انتخابات میں عمران خان کے پیش کردہ 11 نکاتی ایجنڈے کے ساتھ میدان میں اتریں گے، امن قائم کرنے کے دعوے کرنے والے رینجرز آپریشن کی اجازت نہیں دے رہے تھے۔

تفصیلات کے مطابق تحریک انصاف کے ترجمان فواد چوہدری نے نیوز کانفرنس کرتے ہوئے کہا کہ تحریکِ انصاف میں شمولیت اختیار کرنے کے خواہشمند افراد کی لائن لگی ہوئی ہے ، سیاسی بصیرت کے مطابق لوگوں کو شامل کررہے ہیں، ہم نےایک مافیاسےجان چھڑانی تھی اورتقریباًچھڑالی ہے۔

انہوں مسلم لیگ ن کے امن قائم کرنے کے دعوے پر تنقید کرتے ہوئے کہا کہ ’ان کا دعویٰ ہے کہ دہشت گردی کے خلا ف جنگ کا فیصلہ ان کا تھا، دہشت گردی کے خلاف جنگ کا فیصلہ پاک فوج نے کیا تھا‘‘۔ انہوں نے کہا کہ کے پی میں امن تھا اور پنجاب میں روز دھماکے ہورہے تھے ، اس کے باوجود یہ رینجرز کو آپریشن کرنے کی اجازت نہیں دے رہے تھے اور باتیں بڑی بڑی کرتے ہیں۔ فواد چوہدری کا کہنا تھا کہ فوج نے جب آپریشن کا آغاز کیا اس وقت وزیراعظم کو خبر ہی نہیں تھی۔ سندھ میں امن کا سہرا بھی یہ اپنے سر سجانا چاہتے ہیں۔

فواد چوہدری نے کہا کہ ’’نوا زشریف کہتے ہیں کہ مجھے 20 سال اور حکومت کرنے دی جائے‘‘، 30 سال وہ پہلے ناکام رہے ہیں اب مزید 20 سال اور دے دیں؟۔ ان کا یہ بھی کہنا تھا کہ ن لیگ کہتی ہے10ہزارمیگاواٹ سےزیادہ منصوبےلگائے،نیپراکی آفیشل ویب سائٹ پردیکھ لیں کتنےمنصوبےلگائے؟۔

فاٹا کے مسائل کے متعلق گفتگو کرتے ہوئے ان کا کہنا تھا کہ تحریکِ انصاف نے فاٹا کے خیبر پختونخواہ کے انضمام سے متعلق واضح اسٹینڈ لیا، عمران خان کئی مرتبہ کہہ چکے تھے کہ فاٹاسےپھرصورتحال خراب ہوگی۔فاٹاکاانضمام نہیں کیاگیا جس کےذمہ دارتین لوگ ہیں اور وہ نواز شریف ، اچکزئی اور فضل الرحمن ہیں۔ ان کا کہنا تھا کہ پی ٹی ایم جیسی تنظیمیں فاٹا کا انضمام نہ کرنے کے سبب وجود میں آئی ہیں۔

الیکشن 2018 سے متعلق ان کا کہنا تھا کہ انتخابات میں 11نکاتی ایجنڈےکےساتھ میدان میں اتریں گے۔مئی میں پارلیمانی بورڈکااجلاس طلب کیاگیاہے،مئی کےآخری ہفتےایم این ایز کو اور پھرایم پی ایزکوٹکٹ دیئےجائیں گے۔

ان کا یہ بھی کہنا تھا کہ پی ٹی آئی نےکل بڑااجتماع کرکےسارےریکارڈتوڑدیئے،کل سیاسی ایجنڈاپیش کیا،آگےاورجماعتوں نےبھی پیش کرنےہیں۔

فواد چوہدری نے انکشاف کیا کہ مسلم لیگ ن کےایم این ایزاورایم پی ایزبھی پی ٹی آئی کےمشکورہیں۔ وہ کہتےہیں کہ تحریک انصاف کے دباؤ کے سبب نوازشریف کودیکھنےکاموقع ملا۔ ان کے ایم این ایزصبح نوازشریف سےملتےہیں اورشام ہمیں فون کرتےہیں۔

بلدیاتی انتخابات سے متعلق گفتگو کرتے ہوئے ان کا کہنا تھا کہ بلدیاتی انتخابات سےمتعلق پی ٹی آئی نےاپناایجنڈادےدیاہے۔میئرکے لیے براہ راست انتخابات کاطریقہ کاراپنایاجائےگا۔اٹھارویں ترمیم میں وزرائےاعلیٰ ضرورت سےزیادہ طاقتورہیں، لوکل گورنمنٹ کے نظام میں جوخامیاں ہیں انہیں پی ٹی آئی دورکرےگی۔

Comments

comments

یہ بھی پڑھیں