The news is by your side.

Advertisement

پی ٹی آئی خواتین کے انوکھے ہتھیار

لاہور: پاکستان تحریکِ انصاف کے اسلام آباد لاک ڈاؤن پلان کو کامیاب بنانے کے لئے خواتین نے بھرپور تیاری کرلی ہے۔

لاہور سے پی ٹی آئی کی کارکن خواتین دھرنوں میں ہمیشہ مکمل تیاری کے ساتھ شامل ہوئی ہیں۔ سبز اور سرخ رنگ کے لباس، دوپٹے، میچنگ جیولری، جوش اور جذبہ ہمیشہ بھرپور رہا ہے۔ اس بار لاک ڈاؤن کی تیاری میں کچھ تبدیلی آئی ہے۔ پولیس کے پی ٹی آئی کی خواتین کارکن سےاسلام آباد میں بدتمیزی کے بعد لاہور کی خواتین نے اپنے ہتھیار تیار کر لئے ہیں۔

پاکستان تحریکِ انصاف کی سرگرم کارکن ثروت نے گھر سے گندے انڈے، سڑی ہوئی سبزیاں اور مرچیں جمع کر لی ہیں۔ اس کے علاوہ اسپرے بھی ساتھ رکھے ہیں کہ اگر کوئی پولیس کا اہلکار رستے میں آئے تو اس کا مقابلہ آنکھوں میں مچھر مار سپرے کر کے کیا جا سکے۔

پی ٹی آئی کی خواتین کارکن کے ساتھ ساتھ بچیاں بھی اسلام آباد لاک ڈاؤن میں شامل ہونے کے لئے پرجوش ہیں اوربیلن تھامے لڑائی کے لئے پوری طرح تیار ہیں۔

واضح رہے کہ اسلام آباد میں تحریک انصاف کے کارکنان کے لیے حالات سازگار نہیں ہیں‘ گزشتہ دو دنوں سے آنسو گیس شیلنگ اور  لاٹھی چارج کا سلسلہ پولیس کی جانب سے جاری ہے۔پولیس نے تحریک انصاف کی خواتین رہنماؤں کو بھی حراست میں لے لیا تھا۔

عمران خان کا کہنا ہے کارکنان دو نومبر کو ہر حال میں اسلام آباد پہنچیں اورحکومت سے کرپشن کا حساب لیں۔

Print Friendly, PDF & Email

Comments

comments

یہ بھی پڑھیں