The news is by your side.

Advertisement

پی ٹی آئی کی یوسف رضا گیلانی کی کامیابی کا نوٹیفکیشن روکنے کی درخواست دائر

اسلام آباد : پاکستان تحریک انصاف نے یوسف رضا گیلانی کی کامیابی کا نوٹیفکیشن روکنے کی درخواست دائر کردی، جس میں کہا کہ ویڈیواسکینڈل پرکارروائی مکمل ہونےتک یوسف رضا کا نوٹیفکیشن روکا جائے۔

تفصیلات کے مطابق پاکستان تحریک انصاف نے یوسف رضا گیلانی کی کامیابی کا نوٹیفکیشن روکنے کی درخواست دائر کردی ، درخواست فرخ حبیب،ملیکہ بخاری اورکنول شوزب نے دائر کی۔

درخواست میں صوبائی وزیرناصر شاہ کی آڈیوٹیپ کا بھی حوالہ دیا گیا اور کہا ہے کہ علی حیدرگیلانی ارکان اسمبلی کورشوت دیتے رہے اور مریم نواز نے تقریر میں ٹکٹ دینے کے وعدے کا اعتراف کیا۔

،درخواست میں استدعا کی گئی کہ الیکشن کمیشن مریم نوازکیخلاف قانونی کارروائی کرے اور ویڈیواسکینڈل پرکارروائی مکمل ہونےتک یوسف رضا کا نوٹیفکیشن روکا جائے۔

درخواست میں پی ٹی آئی نے علی حیدر گیلانی کو نااہل کرنے کی بھی استدعا کر دی۔

خیال رہے اسلام آباد کی جنرل نشست پر پاکستان پیپلز پارٹی کے یوسف رضا گیلانی نے پی ٹی آئی کے امیدوار حفیظ شیخ کو شکست دے دی تھی ، یوسف رضاگیلانی کو 169 ووٹ ملے، جب کہ حفیظ شیخ کو 164 ووٹ ملے، قومی اسمبلی سے مجموعی 340 ووٹ کاسٹ ہوئے، اور 7 مسترد ہوئے۔

Comments

یہ بھی پڑھیں