The news is by your side.

Advertisement

یوسف رضاگیلانی کی کامیابی کا نوٹی فکیشن رکوانے کیلیے نئی درخواست دائر

اسلام آباد : تحریک انصاف نے الیکشن کمیشن میں یوسف رضا گیلانی کی بطور سینیٹر نامزدگی نوٹیفکیشن رکوانے کیلیے نئی درخواست جمع کرا دی، درخواست فرخ حبیب، ملیکہ بخاری،کنول شوزب ،علی ظفر نےجمع کرائی۔

تفصیلات کے مطابق یوسف رضا گیلانی کی بطور سینیٹر نامزدگی نوٹیفکیشن رکوانے کے معاملے پر حکومتی اراکین نے الیکشن کمیشن میں نئی درخواست جمع کرا دی۔

نئی درخواست الیکشن کمیشن کے تقاضوں کے مطابق جمع کرائی گئی ، درخواست فرخ حبیب، ملیکہ بخاری،کنول شوزب ،علی ظفر نےجمع کرائی، جس میں الیکشن کمیشن سے یوسف گیلانی کی کامیابی کانوٹیفکیشن روکنے کی استدعا کی گئی ہے۔

پی ٹی آئی کے رہنما فرخ حبیب نے الیکشن کمیشن کے باہر میڈیا سے گفتگو کرتے ہوئے کہا چارٹرڈآف ڈیموکریسی میں بینظیراورنوازشریف نےدستخط کیےتھے، 2009میں الیکشن کمیشن کی کمیٹی نےیوسف رضاگیلانی کوتجویزدی تھی جبکہ 2019میں احسن اقبال نےکہااوپن بیلٹ ہونے چاہئے۔

فرخ حبیب کا کہنا تھا کہ جوجماعتیں کرپشن کی ذمہ دارہیں اب وہ اوپن بیلٹ کی مخالفت کررہی ہیں، ن لیگ کے ٹکٹوں کے لالچ دیئے گئے ہیں، عمران خان کہتےرہےسینیٹ میں ہارس ٹریڈنگ ہوتی ہے جبکہ الیکشن کمیشن کوکہاگیاکہ ٹیکنالوجی کااستعمال کریں۔

رہنما پی ٹی آئی نے کہا کہ ضمیروں کی سوداگری روکنےکی آئینی ذمہ داری الیکشن کمیشن کی ہے، مریم بی بی کہتی ہےنوٹ نہیں چلا ن لیگ کاٹکٹ چلا اور یوسف گیلانی کےبیٹےبتارہےہیں سندھ میں یہ اور پنجاب میں یہ ریٹ ہے۔

انھوں نے مزید کہا کہ عوام جان چکی ہے، ووٹوں کا خریدار کون ہے، 174 ووٹ فوزیہ ارشد کو ملتے ہیں اور حفیظ شیخ کو 160 ووٹ ملتے ہیں، یہ الیکشن کمیشن کی ذمہ داری ہے کہ ان 16 لوگوں کو تلاش کریں، یوسف گیلانی، حیدرگیلانی کوبلالیں وہ بتا دیں گے، خریدار یہ ہیں۔

Comments

یہ بھی پڑھیں