The news is by your side.

Advertisement

پاکستان تحریک انصاف نے چیئرمین نیب کے خلاف ریفرنس دائرکردیا

اسلام آباد :پاکستان تحریک انصاف نے چیئرمین نیب کے خلاف  ریفرنس دائرکردیا۔

تفصیلات کے مطابق پاکستان تحریک انصاف نے چیئرمین نیب قمر زمان چوہدری کے خلاف سپریم جوڈیشل کونسل میں ریفرنس دائرکردیا،  ریفرنس میں مؤقف اختیار کیا گیا ہے کہ نیب چیئرمین اپنی ذمہ داریاں نبھانے میں ناکام رہے، نیب چیرمین کو کام کرنے سے روکا جائے ورنہ عدالتی فیصلے کی تضحیک ہوگی ۔

ریفرنس میں مزید کہا گیا کہ ایسے کردار کا حامل شخص کس طرح کرپٹ عناصر کے خلاف کارروائی کر سکتا ہے جبکہ ان کے خلاف ججز نے بھی پاناما کیس کے فیصلے میں آبزرویشن دی۔

ریفرنس میں سپریم جوڈیشل کونسل سے درخواست کی گئی کہ چیئرمین نیب کو نا اہل قرار دیا جائے۔


عدالتی آرڈر کے بعد چیئرمین نیب کا عہدے پر رہنا مناسب نہیں، فواد چوہدری


پاکستان تحریک انصاف کے رہنما فواد چوہدری کا میڈیا سے گفتگو میں کہنا تھا کہ نیب کا شمار پاکستان کے کرپٹ ترین اداروں میں ہوتا ہے، عدالت نے کہا چیئرمین کے ہوتے ہوئے نیب غیرفعال ہے، عدالتی آرڈر کے بعد چیئرمین نیب کا عہدے پر رہنا مناسب نہیں۔

فواد چوہدری نے کہا کہ جے آئی ٹی کے معاملے پر گہری نظر رکھی ہوئی ہے، اکبرایس بابر دعویٰ کرتے ہیں وہ پی ٹی آئی کے رکن ہیں، اکبر ایس بابر مسلم لیگ ن کے رکن ہیں، دانیال عزیز اورن لیگ کا میڈیا سیل کیوں سماعت پرآتا ہے۔

پی ٹی آئی رہنما کا مزید کہنا تھا کہ حکومت نوازشریف کے ہاتھوں سے پھسل رہی ہے، نوازشریف کو چاہئے عزت سے عہدے سے الگ ہوجائیں، پاناما کیس کے فیصلے کے بعد ویسے عزت باقی نہیں رہی ہے۔

زرائع کے مطابق ریفرنس دائر کرنے کا یہ فیصلہ پانامہ لیکس کے فیصلے کی روشنی میں کیا گیا اور کہا کہ چیئرمین نیب نے پانامہ لیکس کے مقدمے میں وزیر اعظم اور ان کے بچوں کی بیرون ملک موجود اثاثوں کی تحقیقات کرنے میں غفلت برتی اور وہ قومی اہمیت کے حامل نیب جیسے ادارے کی سربراہی کرنے کے اہل نہیں ۔

Print Friendly, PDF & Email

Comments

comments

یہ بھی پڑھیں