پی ٹی آئی نے پارٹی فنڈنگ کی تفصیلات الیکشن کمیشن میں جمع کرادیں -
The news is by your side.

Advertisement

پی ٹی آئی نے پارٹی فنڈنگ کی تفصیلات الیکشن کمیشن میں جمع کرادیں

اسلام آباد : پاکستان تحریک انصاف نے پارٹی فنڈنگ کی تفصیلات الیکشن کمیشن آف پاکستان میں جمع کرادیں۔

تفصیلات کے مطابق چیف الیکشن کمشنز سردار محمد رضا کی سربراہی میں بینچ نے پاکستان تحریک انصاف کی پارٹی فنڈنگ کیس کی سماعت کی۔

پاکستان تحریک انصاف کی جانب سے2010سے 2017تک پارٹی فنڈنگ کی تفصیلات الیکشن کمیشن میں جمع کرادی گئی۔

پی ٹی آئی کے وکیل فیصل چوہدری نے کیس کی سماعت کے دوران کہا کہ ہائی کورٹ کا فیصلہ ہےتفصیلات فریق کونہیں فراہم کی جائیں گی،انہوں نے کہا کہ اکبرایس بابر نے بھی موقف دیا ہم تفصیلات نہیں مانگیں گے۔

چیف الیکشن کمشنر نےکہا کہ ہائی کورٹ کا حکم ہے اثاثے ویب سائٹ پر جاری کیے جائیں جس پراکبرایس بابرکے وکیل نے کہا کہ ہائی کورٹ میں 10اکتوبرکودوبارہ سماعت ہو گی، انہوں نے کہا کہ سپریم کورٹ میں پی ٹی آئی دستاویزات پبلک کی گئیں۔


فارن فنڈنگ کیس الیکشن کمیشن نے پی ٹی آئی کو ایک اور مہلت دیدی


واضح رہے گزشتہ ہفتے فارن فنڈنگ کیس میں الیکشن کمیشن نے پی ٹی آئی کو ایک اور مہلت دیتے ہوئے اٹھارہ ستمبر تک فارن فنڈنگ کی تمام تفصیلات جمع کرانے کی ہدایت کی تھی۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Comments

comments

یہ بھی پڑھیں