The news is by your side.

Advertisement

پی ٹی آئی کے جھنڈے کے رنگ میں صحت کارڈ کی تشہیری مہم کے خلاف درخواست

اسلام آباد : اسلام آباد ہائی کورٹ نے پی ٹی آئی جھنڈے کے رنگ میں صحت کارڈ کی تشہیری مہم سپریم کورٹ کے فیصلے کی خلاف ورزی قرار دے دی۔

پی ٹی آئی جھنڈے کے رنگ میں صحت کارڈ کی تشہیری مہم کے خلاف ن لیگ کی درخواست پر اسلام آباد ہائی کورٹ کے چیف جسٹس اطہر من اللہ نے سماعت کی اور بادی النظر میں حکومت کو سپریم کورٹ کے فیصلے کی خلاف ورزی کا مرتکب قرار دے دیا۔

عدالت نے وزارت صحت، وزارت اطلاعات و نشریات اور پا کستان تحریک انصاف سے جواب طلب کرتے ہوئے کہا ہے کہ بتایا جائے کہ سپریم کورٹ کے فیصلے کی خلاف ورزی کیوں کی گئی۔

چیف جسٹس اسلام آباد ہائی کورٹ جسٹس اطہر من اللہ نے ریمارکس دیے کہ قومی خزانے سے کی جانے والی تشہیری مہم پر اپنی خود نمائی کیلئے تصویریں، جھنڈے اور دیگر مواد بنانا غیر قانونی ہے۔

چیف جسٹس اطہر من اللہ نے ریمارکس دیے کہ کیوں نہ حکومت کو اس پریکٹس سے روک دیا جائے اور کیوں نہ سپریم کورٹ کے فیصلے کی خلاف ورزی میں ملوث افراد کے خلاف کارروائی شروع کی جائے۔

عدالت نے وزارت اطلاعات کے نمائندے کو طلب کرتے ہوئے سماعت دو ہفتے کیلئے دس اگست تک ملتوی کردی۔

Comments

یہ بھی پڑھیں