اسلام آباد : بانی پی ٹی آئی نے وکلا سے اکیلے میں ملاقات کیلئےایک بار پھر اسلام آبادہائیکورٹ سے رجوع کرلیا، جس میں کہا کہ جیل انتظامیہ وکلا سے اکیلے میں بات نہیں کرنے دیتی۔
تفصیلات کے مطابق بانی پی ٹی آئی نے وکلا سے اکیلے میں ملاقات کیلئےایک بار پھر اسلام آبادہائیکورٹ میں درخواست دائر کردی۔
درخواست میں سیاسی معاونین سے بھی ملاقات کرانے کی استدعا کرتے ہوئے کہا ہے کہ جیل انتظامیہ وکلاسے اکیلے میں بات نہیں کرنےدیتی، وکلا سے ملاقات کے دوران 2 جیل اہلکار زبردستی موجود ہوتے ہیں۔
درخواست میں کہنا تھا کہ جیل انتظامیہ پارٹی ممبران، نو منتخب اراکین سےملاقات کی اجازت نہیں دےرہی،بانی پی ٹی آئی سیاسی معاونین سے ملاقات کرنا چاہتے ہیں۔
درخواست میں استدعا کی گئی کہ عدالت سپرنٹنڈنٹ کوبانی پی ٹی آئی کی وکلا سے اکیلے میں ملاقات اور سیاسی معاونین سے ملاقات کے احکامات جاری کرے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں