The news is by your side.

تحریک انصاف کو کنونشن سنٹر میں ورکرز کنونشن کرنے کی اجازت مل گئی

اسلام آباد : اسلام آباد انتظامیہ نے پی ٹی آئی کو کنونشن سینٹر میں ورکرز کنونشن کی اجازت دے دی ، اسلام آباد انتظامیہ نے پی ٹی آئی کو این او سی جاری کردیا۔

تفصیلات کے مطابق اسلام آباد ہائی کورٹ میں پی ٹی آئی کی کنونشن سینٹر میں ورکرزکنونشن کی اجازت نہ دینے سےمتعلق درخواست پر سماعت ہوئی۔

اسلام آباد انتظامیہ نےپی ٹی آئی کو کنونشن سنٹر میں ورکرز کنونشن کی اجازت دے دی ، اسلام آباد انتظامیہ نے پی ٹی آئی کو این او سی جاری کردیا۔

ایڈیشنل اٹارنی جنرل منور اقبال دوگل نے عدالت کو آگاہ کردیا، جس پر اسلام آباد ہائی کورٹ نے پی ٹی آئی کو این او سی ملنے پر درخواست نمٹا دی۔

وکیل پی ٹی آئی نے بتایا کہ ہمیں این او سی مل گیا ہے ٹرم اینڈ کنڈیشن بھی مل گئی ہیں، ایک درخواست ہےکہ عدالت آئندہ کےلیےڈائریکشن دیدے۔

چیف جسٹس اطہر من اللہ کا کہنا تھا کہ مستقبل کےلیے ہم کوئی ڈائریکشن نہیں دے سکتے ، چیف جسٹس اطہر من اللہ انتظامیہ کامعاملہ ہے مستقبل میں کیا ہوسکتا ہے حالات کاپتہ نہیں ہوتا ، عدالت انتظامیہ کے معاملات میں مداخلت نہیں کرے گی ، این او سی مل گیا ہے درخواست نمٹا رہے ہیں۔

جس پر ایڈیشنل اٹارنی جنرل نے کہا ڈی سی صاحب نے بتایا کہ پانچ ستمبرکودرخواست آئی ہے ، جس پر چیف جسٹس کا کہنا تھا کہ دگل صاحب این او سی مل گیا ہے بس بات ختم ہوگئی ہے۔

Comments

یہ بھی پڑھیں