The news is by your side.

Advertisement

تحریک انصاف نے علیم خان کو پارٹی ٹکٹ دینے کا اختیاردےدیا

اسلام آباد:تحریک انصاف نےعلیم خان کو وسطیٰ پنجاب میں ریزرو سیٹوں پر بلدیاتی انتخابات میں ٹکٹ جاری کرنے کا اختیار دے دیا۔

تفصیلات کےمطابق تحریک انصاف کی جانب سے وسطیٰ پنجاب میں ریزرو سیٹوں پر بلدیاتی انتخابات میں پارٹی ٹکٹ جاری کرنے کے اختیارات علیم خان کو دے دیے گئے۔

تحریک انصاف کے سربراہ عمران خان کی جانب سے علیم خان کے اختیارات کا نوٹیفیکشن جاری کیاگیا ہے۔

پی ٹی آئی نے پنجاب میں ریزرو سیٹوں پرالیکشن کے لیے تیاریاں شروع کردی ہیں اور پارٹی کے نمائندگان کو ٹکٹ جاری کرنے کے لیے چیئرمین تحریک انصاف عمران خان نے علیم خان کو ٹاسک دیا ہے کہ وہ سینٹرل پنجاب میں تمام اہل امیدواروں کو پارٹی ٹکٹ دیں گے۔


imran khan gives authority to aleem khan by

 
تحریک انصاف کی جانب سے لاہور،قصور،شیخوپورہ،ننکانہ صاحب،گجرات،گوجرانوالہ،فیصل آباد،منڈی بہاوالدین سمیت دس اضلاع میں ٹکٹ جاری کرنے کا اختیار علیم خان کو دیا گیا ہے۔

عمران خان نےاس حوالے سے الیکشن کمیشن پنجاب کو ایک خط بھی لکھ دیا ہے جس میں کہا گیا ہے کہ اب پارٹی جو بھی ٹکٹ امیدواروں کو جاری کرے گی اس کا لیٹرعلیم خان کی طرف سے جاری کیاجائے گاجوالیکشن کمیشن کاغذات نامزدگی وصول کرے گی۔

 

 

Comments

comments

یہ بھی پڑھیں