The news is by your side.

Advertisement

انتخابات 2018: کس پارٹی نے کتنے ووٹ حاصل کیے

ملک بھر سے ایک کروڑ 68 لاکھ 23 ہزار 7 سو 92 ووٹ لے کر دیگر بڑی جماعتوں کو پیچھے چھوڑ دیا

اسلام آباد: انتخابات 2018 میں قومی اور کے پی اسمبلی میں سب سے زیادہ سیٹیں لینے والی جماعت پی ٹی آئی ملک میں سب سے زیادہ ووٹ لینے والی جماعت بھی بن گئی ہے۔

تفصیلات کے مطابق تحریکِ انصاف نے عام انتخابات میں ملک بھر سے ایک کروڑ 68 لاکھ 23 ہزار 7 سو 92 ووٹ حاصل کر کے ووٹوں کی مجموعی تعداد میں بھی باقی جماعتوں کو پیچھے چھوڑ دیا ہے۔

الیکشن 2018 کے نتیجے میں پی ٹی آئی سب سے بڑی جماعت بن کر سامنے آئی ہے، تحریکِ انصاف نے ملک کی بڑی جماعتوں مسلم لیگ ن اور پیپلز پارٹی کو وفاق میں بڑی شکست دی ہے۔

الیکشن کمیشن آف پاکستان کی طرف سے جاری کردہ اعداد و شمار کے مطابق پاکستان مسلم لیگ ن نے 1 کروڑ 28 لاکھ 94 ہزار 2 سو 25 ووٹ حاصل کیے ہیں اور دوسرے نمبر پر آئی ہے۔

ملک بھر سے مجموعی ووٹوں کی تعداد کے لحاظ سے پاکستان پیپلز پارٹی سرِ فہرست دونوں جماعتوں سے بہت پیچھے رہی ہے، پی پی پاکستانی عوام سے صرف 68 لاکھ 94 ہزار 2 سو 96 ووٹ حاصل کر سکی۔

الیکشن کمیشن نے انتخابات 2018 کے مکمل نتائج جاری کر دیے


ووٹوں کے لحاظ سے آزاد امیدوار پی پی کا مقابلہ کرتے نظر آتے ہیں، تمام صوبوں سے آزاد امیدواروں نے 60 لاکھ 11 ہزار 337 ووٹ حاصل کیے۔

متحدہ مجلس عمل میں شامل جماعتوں نے بھی مجموعی طور پر قابلِ ذکر کارکردگی دکھائی ہے اور یوں ایم ایم اے 25 لاکھ 30 ہزار 452 ووٹ حاصل کر کے چوتھے نمبر پر آئی ہے، دوسری طرف تحریک لبیک پاکستان نے بھی 21 لاکھ 91 ہزار 679 ووٹ لے کر حیران کر دیا ہے۔

الیکشن 2018 میں مقامی پارٹیوں کی کارکردگی کچھ خاص نہیں رہی، گرینڈ ڈیموکریٹک الائنس نے 12 لاکھ 57 ہزار 351 ووٹ حاصل کیے، اے این پی کو 8 لاکھ 8 ہزار ووٹ پڑے اور متحدہ قومی موومنٹ کو 7 لاکھ 29 ہزار ووٹ ملے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں