The news is by your side.

Advertisement

تحریک انصاف کی پہلی ایمنسٹی اسکیم کی تیار، بےنامی اثاثے رکھنے والوں کیلئےآ خری موقع

اسلام آباد : تحریک انصاف حکومت کی پہلی ایمنسٹی اسکیم کی تیاری مکمل ہوگئی،کالا دھن اور بےنامی اثاثے رکھنے والوں کیلئےآ خری موقع ہوگا، اسکیم کا اعلان رواں ماہ کے وسط تک متوقع ہے۔

تفصیلات کے مطابق تحریک انصاف کی پہلی ایمنسٹی اسکیم تیار کرلی گئی ، وزیر اعظم سے منظوری کیلئے آج پیش کئے جانے کا امکان ہے یہ اسکیم ٹیکس چوروں اور بے نامی اثاثے رکھنے والوں کیلئے آخری موقع ہے، جس کااعلان پندرہ اپریل تک متوقع ہیں۔

ذرائع وزارت خزانہ کا کہنا ہے ایمنسٹی اسکیم دوہزارانیس میں بےنامی اثاثے، سیلز ٹیکس، ایف ای ڈی، اثاثے جن پر مقدمےچل رہے ہوں، سونا اورجواہرات بھی شامل ہیں۔

اس اسکیم سےجنوری دوہزارسے اب تک کےپبلک آفس ہولڈرز اور ان کے اہل خانہ، بہن بھائی فائدہ نہیں اٹھاسکیں گے جبکہ ایمنسٹی اسکیم سےفائدہ اٹھانے والے افراد کو ٹیکس گوشوارے بھی جمع کروانے ہوں گے۔

مزید پڑھیں : حکومت بجٹ سے پہلے ٹیکس ایمنسٹی اسکیم متعارف کرائے گی، اسد عمر

بےنامی اثاثوں پر دس فیصد، بیرون ملک رکھے اثاثے جو پاکستان واپس لائےجائیں گے ان پر پانچ فیصد اور دیگر اثاثوں پر ساڑھے سات فیصد ٹیکس ادا کرناہوگا جبکہ سونے پر 5ہزار روپے فی گرام ٹیکس دیناہوگا۔

ذرائع کے مطابق جرم کے ذریعے کمایا گیا کمیشن اسکیم میں شامل نہیں ہوں گے جبکہ سونےاور جواہرات کی مالیت 50 لاکھ سے زائد نہ ہونے کی شرط بھی ہیں۔

نقدی کی صورت میں ظاہرکی گئی رقم کوپاکستان میں بینک میں جمع کرواناہوگا، اسکیم پر آئی ایم ایف اورایف اے ٹی ایف سمیت عدلیہ کو بھی اعتماد میں لیاجائےگا۔

یاد رہے چند روز قبل وزیر خزانہ اسد عمر نے کہا تھا ایمنسٹی اسکیم کا مطالبہ تاجر برادری کررہی ہے، اس ضمن میں حکومت نے معاشی مسودہ تیار کیا، حکومت بجٹ سے قبل نئی ٹیکس ایمنسٹی اسکیم متعارف کرائے گی۔

Comments

comments

یہ بھی پڑھیں