پی ٹی آئی رہنما ہنگورو کا ساتھیوں کے ساتھ حیدر آباد میں تھانے پر دھاوا -
The news is by your side.

Advertisement

پی ٹی آئی رہنما ہنگورو کا ساتھیوں کے ساتھ حیدر آباد میں تھانے پر دھاوا

حیدرآباد: پاکستان تحریکِ انصاف کے رہنما علی ہنگورو نے ساتھیوں کے ساتھ حیدر آباد میں تھانے پر دھاوا بول دیا، پولیس کو ٹھیک کرنے کی دھمکیاں دے دیں۔

تفصیلات کے مطابق پی ٹی آئی رہنماؤں کی سرکاری اہل کاروں کو دھونس دھمکیوں کا سلسلہ جاری ہے، حیدر آباد میں ہنگورو نے اپنے ساتھیوں سمیت تھانے کے عملے کو دھمکایا۔

پارٹی قیادت نے علی ہنگورو کو شو کاز نوٹس جاری کر دیا

تحریکِ انصاف کے رہنما نے کار حادثے میں ملوث ملزم کو چھڑانے کی کوشش کرتے ہوئے پولیس کو دھمکیاں دیں، تھانے میں ہنگامہ مچانے پر پارٹی قیادت نے بھی ایکشن لے لیا۔

علی ہنگورو نے حیدر آباد میں تھانے کے اندر سگریٹ نوشی بھی کی، پولیس اہل کاروں نے انھیں روکا تو ان کے ساتھ بد تمیزی کرتے ہوئے کہا ’سگریٹ پی رہا ہوں چرس نہیں۔‘

تھانے میں علی ہنگورو کی ہنگامہ آرائی پر پی ٹی آئی قیادت نے فوری ایکشن لے لیا، رہنما کو شو کاز نوٹس بھی جاری کر دیا گیا۔


یہ بھی پڑھیں:  شہری پر تشدد ، تحریک انصاف نے ڈاکٹرعمران علی شاہ کی پارٹی رکنیت معطل کردی


واضح رہے کہ حیدر آباد میں کار حادثے کا مذکورہ واقعہ دو دن قبل رات کے وقت پیش آیا تھا، ایک شخص نے تیز رفتاری سے کار ڈرائیو کرتے ہوئے بجلی کے پول سے ٹکرا دی تھی۔

مکی شاہ اسٹیشن کے تھانے کے اہل کاروں نے حادثے میں ملوث شخص کو گرفتار کر لیا تھا جس پر پی ٹی آئی حیدر آباد کے رہنما علی ہنگورو نے تھانے جا کر بد تمیزی کی جس کی ویڈیو وائرل ہو گئی۔

Comments

comments

یہ بھی پڑھیں