The news is by your side.

تحریک انصاف کا آج چشتیاں میں پاورشو، عمران خان خطاب کریں گے

اسلام آباد : تحریک انصاف نے آج چشتیاں میونسپل اسٹیڈیم میں پاورشو کی تیاریاں مکمل کرلیِں، عمران خان خطاب کریں گے۔

تفصیلات کے مطابق پاکستان تحریک انصاف آج چشتیاں میں پنڈال سجائے گی، چشتیاں میونسپل اسٹیڈیم میں پاورشو کی تیاریاں مکمل کرلی گئیں ہیں۔

جلسہ گاہ میں پچیس فٹ اونچا اور سو فٹ لمبا اسٹیج تیار کیا گیا جبکہ جلسہ گاہ میں پانچ ہزارکرسیاں لگادی گئیں۔

چیئرمین پی ٹی آئی عمران خان جلسے عام سے خطاب کریں گے، عمران خان کا جلسے سے قبل وکلاکنونشن سے بھی خطاب ہوگا۔

اس حوالے سے سینیٹر فیصل جاوید نے اپنے ٹوئٹ میں لکھا بوگس مقدمات میں سے 2میں ضمانت لینے کے بعد چشتیاں بہاولنگر روانہ ہورہے ہیں ، عمران خان آج شام جلسہ عام سے خطاب کریں گے، ہماری منزل حقیقی آزادی اور منزل قریب ہے پاکستان۔

گذشتہ روز پشاور میں جلسے سے خطاب کرتے ہوئے سابق وزیراعظم عمران خان نے کہا تھا کہ تھری اسٹوجز کو معلوم ہے کہ جب بھی الیکشن ہوئے یہ لوگ ہار جائیں گے۔

عمران خان کا کہنا تھا کہ یہ کوشش کر رہے ہیں کسی طرح بڑی پارٹی کو اداروں سے لڑایا جائے، موجودہ وزیراعظم غیرت مند ہوتا تو اپنا چوری کا پیسہ باہر سے یہاں لاتا، اپنا پیسہ چوری کر کے ملک سے باہر رکھا ہوا ہے اور باہر جا کر پیسے مانگتے ہیں۔

Comments

یہ بھی پڑھیں