پاکستان تحریک انصاف وفاق میں حکومت بنانے کی مضبوط پوزیشن میں
The news is by your side.

Advertisement

پاکستان تحریک انصاف وفاق میں حکومت بنانے کی مضبوط پوزیشن میں

اسلام آباد : تحریک انصاف وفاق میں حکومت سازی کے لئے تگڑی پوزیشن میں آگئی، مجموعی طور پر 162 اراکین قومی اسمبلی کی حمایت کے ساتھ سرفہرست ہے۔

تفصیلات کے مطابق ایم کیوایم پاکستان کے حمایت کے اعلان کے بعد تحریک انصاف وفاق میں حکومت بنانے کی مضبوط پوزیشن میں آگئی ہے۔

وفاق میں تحریک انصاف 162 اراکین کی حمایت کے ساتھ نمایاں ہے، پی ٹی آئی کو اپنے 139 امیدواروں کے ساتھ 6 آزاد امیدواروں کی حمایت حاصل ہے۔

ایم کیو ایم 6، بلوچستان عوامی پارٹی 4 اور ق لیگ کے 2 اراکین بھی پی ٹی آئی کی حمایت کا اعلان کر چکے ہیں۔

عوامی مسلم لیگ اورجمہوری وطن پارٹی 1،1 اور جی ڈی اے کے 2 اراکین کی بھی تحریک انصاف کو حمایت حاصل ہے جبکہ 7 آزاد اراکین تاحال کوئی فیصلہ نہیں کر سکے۔

خیال رہے کہ وزارت عظمی کے لئے 172 اراکین کی حمایت درکار ہوگی، پہلے مرحلے میں مطلوبہ اکثیرت حاصل نہ ہونے پر قائد ایوان کا دوبارہ الیکشن ہوگا، ایوان میں موجود اکثریتی ارکان کی حمایت حاصل کرنے پرقائد ایوان منتخب ہو جائے گا۔


مزید پڑھیں :عمران خان سادگی سے وزارت عظمیٰ کا حلف اٹھائیں گے


عمران خان نےڈی چوک پرحلف اٹھانے کی تجویزمسترد کردی، سیکیورٹی رسک کی وجہ سے حلف برداری ایوان صدرمیں ہوگی۔

رہنما پی ٹی آئی کا کہنا تھا کہ عمران خان نے تقریب سادگی سے منعقد کرنے کی ہدایت کی، عمران خان سادگی سے وزارت عظمیٰ کا حلف اٹھائیں گے، تقریب سے کسی قسم کے تعیش یا تکلف کا اظہار نہیں کیا جائے گا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں