The news is by your side.

Advertisement

پی ٹی آئی نے بغیر مانگے ن لیگ کی نازیہ راحیل کو ٹکٹ جاری کردیا

لاہور: پاکستان تحریک انصاف نے بغیر مانگے ن لیگ کی خاتون نازیہ راحیل کو ٹکٹ جاری کردیا، نازیہ راحیل دو مرتبہ مسلم لیگ ن کی ایم پی اے رہ چکی ہیں۔

تفصیلات کے مطابق تحریک انصاف کی جانب سے آج پارٹی ٹکٹ تقسیم کئے گئے حیران کن طور پر پی پی 122 میں ن لیگ کی خاتون نازیہ راحیل کو ٹکٹ جاری کردیا گیا۔

پی ٹی آئی کے ٹکٹ کے لیے کوئی درخواست نہیں دی، ن لیگ کے تکٹ پر ہی انتخاب لڑوں گی، تیسری مرتبہ ن لیگ کے ٹکٹ کے لیے اپلائی کررکھا ہے

نازیہ راحیل

نازیہ راحیل کا کہنا ہے کہ میں نے پی ٹی آئی کے ٹکٹ کے لیے کوئی درخواست نہیں دی، ن لیگ کے تکٹ پر ہی انتخاب لڑوں گی، تیسری مرتبہ ن لیگ کے ٹکٹ کے لیے اپلائی کررکھا ہے۔

واضح رہے کہ مسلم لیگ (ن) کی نازیہ راحیل ٹوبہ ٹیک سنگھ سے تعلق رکھتی ہیں اور وہیں سے دو مرتبہ الیکشن جیت چکی ہیں، پی ٹی آئی کی جانب سے جاری کردہ فہرست میں نازیہ راحیل کا شناختی کارڈ اور فون نمبر بھی غلط درج ہے۔

دوسری جانب تحریک انصاف کی جانب سے بابر اعوان، فردوس عاشق اعوان، شہریار آفریدی، علی محمد خان، عامر لیاقت، سیف اللہ نیازی، ولید اقبال، فیصل واوڈا کو تاحال ٹکٹ نہیں مل سکا ہے، فیصل آباد سے پی ٹی آئی نے ضلعی جنرل سیکریٹری اجمل چیمہ کو ٹکٹ نہیں دیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں