The news is by your side.

Advertisement

عمران خان کا قومی اسمبلی کے لیے 5 حلقوں سے الیکشن لڑنے کا اعلان

اسلام آباد: عام انتخابات کے لیے تحریک انصاف کے امیدواروں کی فہرست جاری کردی گئی، قومی اسمبلی کے 173 حلقوں کے لیے امیدواروں کی نامزدگی کا عمل مکمل کرلیا گیا، عمران خان نے قومی اسمبلی کے لیے 5 حلقوں سے الیکشن لڑنے کا اعلان کردیا۔

تفصیلات کے مطابق عام انتخابات کے لیے تحریک انصاف کے امیدواروں کی فہرست جاری کی گئی، عمران خان اسلام آباد، بنوں، میانوالی، لاہور اور کراچی کے حلقہ این اے 243 سے بھی الیکشن لڑیں گے، عمران خان این اے 35، 53، 95 اور 131 سے بھی انتخاب لڑیں گے۔

شاہ محمود قریشی این اے 156 ملتان سے میدان میں اتریں گے، ترجمان تحریک انصاف فواد چوہدری این اے 67 جہلم سے مقابلہ کریں گے، سابق وزیر اعلیٰ کے پی کے پرویز خٹک این اے 25 نوشہرہ سے الیکشن میں حصہ لیں گے۔

مراد سعید این اے 4 سوات سے تحریک انصاف کے امیدوار ہوں گے، عبدالعلیم خان این اے 129 لاہور میں محاذ سنبھالیں گے، غلام سرور خان این اے 59 اور 63 سے مقابلہ کریں گے۔

ڈاکٹر یاسمین راشد این اے 125 لاہور سے الیکشن میں حصہ لیں گی، اعجاز چوہدری این اے 133 لاہور سے انتخاب لڑیں گے، شفقت محمود این اے 130 لاہور سے میدان میں اتریں گے۔

شفقت محمود این اے 130 لاہور سے میدان میں اتریں گے، عثمان ڈار این اے 73 سیالکوٹ سے تحریک انصاف کے امیدوار ہوں گے، عارف علوی این اے 247 سے پی ٹی آئی کے امیدوار ہوں گے، علی زیدی این اے 244 سے الیکشن میں حصہ لیں گے۔

پارٹی ٹکٹس کی تقسیم کا مرحلہ بہت مشکل تھا، عمران خان

تحریک انصاف کے چیئرمین عمران خان کا کہنا تھا کہ آج میری سربراہی میں پارلیمانی بورڈ نے ٹکٹس کا اعلان کردیا، پارٹی ٹکٹس کی تقسیم کا مرحلہ بہت مشکل تھا، پارٹی ٹکٹس کے لیے ساڑھے چار ہزار درخواستیں موصول ہوئیں، تقریباً 400 سے 500 افراد کو ٹکٹ دئیے گئے ہیں۔

انہوں نے کہا کہ ہر کسی کو ٹکٹ نہیں دے سکے، نیا پاکستان بنانے کے لیے ہمارا ساتھ دیں، جانتا ہوں جن کو ٹکٹ نہیں ملے ان کو مایوسی ہوئی ہوگی، بڑے خواب کو پورا کرنے کے لیے ہمارے ساتھ چلیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں