The news is by your side.

Advertisement

پی ٹی آئی جلسہ، آج میٹرو بس، اورنج ٹرین بند کرنے کا فیصلہ

پاکستان تحریک انصاف کے آج گریٹر اقبال پارک (مینار پاکستان) پر ہونیوالے جلسے کے موقع پر میٹرو بس سروس اور اورنج ٹرین کو عارضی بند کرنے کا فیصلہ کیا ہے۔

اے آر وائی نیوز کے مطابق پی ٹی آئی کے آج گریٹر اقبال پارک (مینار پاکستان) پر ہونیوالے جلسے کے موقع پر میٹرو بس سروس اور اورنج ٹرین کو عارضی بند کرنے کا فیصلہ کیا ہے۔

ذرائع نے بتایا کہ میٹرو بس سروس اور اورنج لائن ٹرین آج شام 4 بجے سے عارضی طور پر بند کردی جائیں گی جب کہ کل سے میٹرو اور اورنج لائن اپنے شیڈول کے مطابق چلیں گی۔

واضح رہے کہ اس سے قبل خبر آئی تھی کہ پی ٹی آئی کے جلسے میں خلل ڈالنے کیلیے حکومت نے پنجاب میں بجلی بند کرنے کا فیصلہ کیا ہے۔

ذرائع کا کہنا ہے کہ جلسے کے دوران پنجاب کے شہروں میں بجلی کی لوڈ شیڈنگ کی جائے گی اور شہریوں کو مطمئن کرنے کےلیے اسے معمول کی لوڈشیڈنگ کا جواز دیا جائے گا۔

مزید پڑھیں: تحریک انصاف کے لاہور جلسے کی نشریات میں خلل ڈالنے کا منصوبہ، انتظامیہ اوچھے ہتھکنڈوں پر اتر آئی

کراچی جلسے میں بھی عمران خان کے خطاب کے دوران پنجاب کے کئی شہروں میں عوام نے بجلی بند ہونے کی شکایت کی تھی۔

Comments

یہ بھی پڑھیں