site
stats
پاکستان

نیب کے سابق چیئرمین میرٹ پر نہیں تھے، عمران خان

کوٹ ادو: تحریک انصاف کے چیئرمین عمران خان نے کہا ہے کہ اداروں میں بیٹھے لوگوں کی میرٹ صرف درباری ہونا ہے، ریٹائرڈ ہونے والے چیئرمین نیب بھی میرٹ پر نہیں تھے، شہباز شریف ڈرامے باز ہیں انہیں بالی ووڈ بھیجنا چاہیے۔

کوٹ ادو میں جلسہ عام سے خطاب کرتے ہوئے تحریک انصاف کے چیئرمین نے کہا کہ اس سے پہلے بھی یہاں کا دورہ کیا مگر جو جذبہ آج دیکھا اس سے پہلے کبھی نظر نہیں آیا، عوام کو اپنے حقوق کا احساس ہورہا ہے۔

انہوں نے کہا کہ عوام اچھی طرح جان گئے کہ وہ ماضی میں مافیاز کو ووٹ دیتے آئے ہیں جنہوں نے قومی خزانے کو نقصان پہنچا کر اپنے عالیشان محلات بنائے، حکمران پولیس کو استعمال کرتے ہوئے عام شہریوں کو یرغمال بناتے ہیں۔

عمران خان نے کہا کہ مسلم لیگ ن کے لوگوں کا خیال تھا لوگ پاناما کو بھول جائیں گے مگر ایسا نہیں ہوا، اب عوام اپنا لوٹا ہوا پیسہ واپس لینے کے لیے جاگ چکے ہیں، خواجہ آصف خود جواب دیں کیا لوگ پاناما کو بھول گئے؟۔

تحریک انصاف کے چیئرمین کا کہنا تھا کہ آف شور کمپنیوں کے معاملے پر جھوٹ بولا جارہا ہے، اگر ایسا ہے تو مریم صفدر بتائیں کہ کوئی ایک ایسا شہری ہو جو صبح جاگے تو اکاؤنٹ میں 80 کروڑ روپے آگئے ہوں۔

چیئرمین تحریک انصاف نے کہا کہ حکومت نے اداروں کے لیے صرف ایک ہی میرٹ سسٹم قائم کیا ہوا ہے، درباری شخص کو حکومت اچھا عہدہ دیتے ہے جبکہ پڑھے لکھے شخص کو نظر انداز کردیا جاتا ہے، حکومت نے ایک مجرم کو پارٹی کا صدر بنانے کے لیے مرضی کا قانون پاس کروایا جبکہ دنیا میں کوئی بھی مجرم کسی پارٹی کی صدارت نہیں کرسکتا۔

عمران خان کا کہنا تھا کہ حکومت نے مجرم کو ملکی خزانے پر بٹھا دیا اس لیے بیرونی قرضے بڑھتے جارہے ہیں، آج ہر پاکستانی ایک لاکھ 20 ہزار روپے کا مقروض ہوچکا ہے، آج جب جواب دینے کا وقت آیا تو قوم کے مجرم طبیعت خراب ہونے کا عذر پیش کررہے ہیں اور اپنے آپ کو برطانوی شہری ظاہر کررہے ہیں۔

انہوں نے کہا کہ پنجاب حکومت صرف ترقی کے دعوے کرتی ہے مگر عوام کے لیے انہوں نے کچھ نہیں کیا، شہباز شریف کو وزیراعلیٰ نہیں بلکہ بالی ووڈ کا اداکار ہونا چاہیے، تحریک انصاف کو موقع ملا تو عوام کو صحت ، تعلیم اور بنیادی ضروریات میں ریلیف ملے گا۔

عمران خان نے کہا کہ اگر ایک بار مجھے موقع ملا تو سب سے پہلے پاکستان کے اسپتال ٹھیک کر کے دکھاؤں گا، ہمیں کے پی کے میں پہلی بار حکومت ملی جس کے بعد وہاں کی پولیس، صحت اور تعلیم کا نظام دیگر صوبوں کے مقابلے میں بہت بہتر ہوا۔

تحریک انصاف جلسہ

یاد رہے کہ پاکستان تحریک انصاف آج حیدر آباد کے کوٹ ادواسٹیڈیم میں جلسہ منعقد کیا، جس میں کارکنان کے لیے 20 ہزار نشستیں پنڈال میں رکھی گئیں تھی جبکہ سیکیورٹی کے لیے 1700 پولیس اہلکار تعینات تھے۔


مزید پڑھیں : وزیراعظم ایسےشخص کوکیسےپروٹوکول دےسکتےہیں جوکرپٹ ہو‘عمران خان



اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top