The news is by your side.

وزیراعظم نے وکلا کو فیس کہاں‌ سے دی؟ بتا نہیں‌ رہے، پی ٹی آئی

اسلام آباد: تحریک انصاف نے وزیراعظم سیکریٹریٹ کے خلاف وفاقی محتسب کو خط ارسال کردیا جس میں کہا گیا ہے کہ وزیراعظم اپنے وکلا کو دی گئی فیسوں کے ذرائع سے آگاہ نہیں کررہے، انہیں پابند کیا جائے ورنہ عدالت سے رجوع کیا جائے گا۔

اطلاعات کے مطابق پی ٹی آئی کی جانب سے وفاقی محتسب کو تحریر کردہ خط میں کہا گیا ہے ہماری جانب سے وزیراعظم سیکریٹریٹ کو ایک خط لکھا گیا ہے جس میں پوچھا گیا کہ وزیراعظم پاناما کیس میں اپنے وکیلوں کو فیس کہاں سے ادا کررہے ہیں لیکن وزیر اعظم سیکریٹری کی جانب سے خط کا جواب نہیں دیا گیا تاحال خاموشی اختیار کی جارہی ہے۔

تحریک انصاف نے وفاقی محتسب سے کہا ہے کہ رائٹ ٹو انفارمیشن ایکٹ کے تحت معلومات کا حصول عوام کا بنیادی حق ہے اور وزیر اعظم سیکریٹریٹ آئین کے تحت 14 دن کے اندر معلومات فراہم کرنے کا پابند ہے۔

خط میں وفاقی محتسب سے استدعا کی گئی ہے کہ وزیراعظم سیکرٹریٹ کو معلومات فوری فراہم کرنے کا پابندی کیا جائے بصورت دیگر معلومات مہیا نہ کی گئیں تو باقاعدہ انصاف کے لیے رجوع کیا جائے گا۔

Print Friendly, PDF & Email

Comments

comments

یہ بھی پڑھیں