site
stats
پاکستان

حکومت ناسیاسی حل کی طرف آتی ہے نا پارلیمانی حل کی طرف،حامد خان

اسلام آباد: تحریک انصاف کے وکیل اور رہنما حامد خان کا کہنا ہے کہ حکومت نا تو سیاسی حل کی طرف آتی ہےاور ناہی پارلیمانی حل کی طرف آنا چاہتی ہے۔

تفصیلات کے مطابق پانامالیکس کیس کی سماعت کے بعد سپریم کورٹ کے باہر میڈیا سے گفتگو کرتے ہوئے تحریک انصاف کے رہنما اور وکیل حامد خان اور نعیم الحق کا کہناتھا کہ سپریم کورٹ نے وزیراعظم نوازشریف اور ان کے اہل خانہ کو دو دن کے اندر عدالت میں جواب جمع کرانے کا حکم دیا ہے۔

انہوں نے کہا کہ سپریم کورٹ آف پاکستان نے ٹی او آرز اور کمیشن پر فریقین سے تجویز اور تحریری جواب مانگ لیا ہے۔عدالت کا کہناہے کہ اگرٹی او آرز پرحکومت اور اپوزیشن کے درمیان اتفاق نہیں ہوا تو ہم خود ٹی او آرز بنائیں گے۔

تحریک انصاف کے وکیل حامد خان کا کہناتھاکہ وزیراعظم نے5اپریل کو کہاتھا کہ وہ خود کو احتساب کے لیے پیش کرتے ہیں۔انہوں نے کہا ہے کہ وزیراعظم نے قوم کے سات مہینے ضائع کیے۔

انہوں نے میڈیاسے گفتگوکرتے ہوئے کہا کہ حکومت ناتو سیاسی حل کی طرف آنا چاہتی ہے اور نہ پارلیمانی حل کی طرف آتی ہے۔

واضح رہے کہ بعدازاں تحریک انصاف کے ترجمان نعیم الحق کا کہناتھا کہ دھرنے کے پروگرام میں کوئی تبدیلی نہیں آئی ہے اور کل ہم دھرنا دیں گے کسی عدالت نے ہمیں دھرنا دینے سے نہیں روکا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top