The news is by your side.

Advertisement

عمران خان جسے چاہیں گے وہی وزیرِ اعلیٰ پنجاب بنے گا، علیم خان

اسلام آباد: پاکستان تحریکِ انصاف کے وسطی پنجاب کے رہنما عبد العلیم خان نے کہا ہے کہ عمران خان جسے چاہیں گے وہی پنجاب کا وزیرِ اعلیٰ بنے گا، میں اس عہدے کے لیے امیدوار نہیں ہوں۔

ان خیالات کا اظہار انھوں نے میڈیا سے گفتگو کرتے ہوئے کیا، انھوں نے کہا کہ وزارتیں دینے کا فیصلہ پی ٹی آئی چیئرمین ہی کریں گے، خان صاحب جس کو چاہیں وزارت دیں گے۔

علیم خان کا کہنا تھا کہ حکومت سازی کے لیے رابطے جاری ہیں، مجھ پر الزامات نہ لگائے جائیں، شریف بردران کے پاس میرے خلاف ثبوت ہیں تو پیش کرے۔

پی ٹی آئی رہنما علیم خان نے مزید کہا کہ میری سیٹ پردوبارہ گنتی ہو رہی ہے، ضرور کام یاب ہوں گا، ٹکٹ نہ ملنے پر کچھ دوست آزاد حیثیت میں کھڑے ہو گئے تھے۔

الیکشن کمیشن نے انتخابات 2018 کے مکمل نتائج جاری کر دیے


علیم خان کا کہنا تھا کہ آج پی ٹی آئی میں آزاد امیدواروں کی شمولیت بارش کا پہلا قطرہ ہے، جلد مزید آزاد امیدوار پی ٹی آئی میں شامل ہو جائیں گے۔ انھوں نے مزید کہا کہ ان کی کوشش ہوگی کہ پنجاب کے 29 آزاد امیدوار پی ٹی آئی میں شامل ہوں۔

واضح رہے کہ تحریکِ انصاف کے رہنما علیم خان نے این اے 129 لاہور کی سیٹ مسلم لیگ ن کے سردار ایاز صادق کے مقابلے میں ہاری ہے، جب کہ پی پی 162 کی سیٹ بھی محمد یاسین کے مقابلے میں ہار دی ہے۔

این اے 129 لاہور سے علیم خان کی ووٹوں کی دوبارہ گنتی کی درخواست منظور کرلی گئی ہے، انھوں نے پی پی 162 میں بھی یاسین کی کام یابی کو چینلج کر دیا ہے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں