علیم خان نے تمام سوالوں کے جواب نیب میں جمع کرا دیے -
The news is by your side.

Advertisement

علیم خان نے تمام سوالوں کے جواب نیب میں جمع کرا دیے

لاہور: تحریکِ انصاف کے سینئر رہنما علیم خان نے قومی احتساب بیورو کی طرف سے انھیں جاری کیے گئے سوال نامے کے جواب نیب لاہور میں جمع کرا دیے۔

تفصیلات کے مطابق نیب کی طرف سے گزشتہ دنوں پی ٹی آئی رہنما کو سوال نامہ دیا گیا تھا، نیب ذرائع کا کہنا ہے کہ جمع کرائے گئے جوابات کا جائزہ لیا جائے گا۔

ذرائع کے مطابق نیب پی ٹی آئی لیڈر کے جوابات کا جائزہ لے رہی ہے، اگر علیم خان کے جوابات سے مطمئن نہیں ہوئی تو آئندہ کے لائحہ عمل کا فیصلہ کیا جائے گا۔

واضح رہے کہ قومی احتساب بیورو تحریک انصاف کے رہنما علیم خان سے آف شور کمپنیوں سے متعلق تحقیقات کر رہی ہے، اس سلسلے میں انھیں تین بار طلب بھی کیا جا چکا ہے۔

نیب کوشواہد فراہم کر چکا ہوں، ایسی کوئی جائیداد نہیں، جو ڈکلیئر نہ کی ہو: علیم خان

علیم خان دو دن قبل کہہ چکے ہیں کہ وہ نیب میں تین بار پیش ہوئے ہیں اور تمام ثبوت بھی فراہم کر دیے ہیں، ان کا کہنا تھا کہ ان کا کیس سپریم کورٹ میں ہے اور فیصلہ بھی سپریم کورٹ نے کرنا ہے، بیرون ملک اثاثوں اور چاروں فلیٹس کے دستاویزات نیب کو دیے جاچکے ہیں۔

آف شورکمپنیوں کی تحقیقات : قومی احتساب بیورو نے علیم خان کو طلب کرلیا


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں