The news is by your side.

Advertisement

منصب کے خلاف طرزعمل پر تحریک انصاف نے وزیر اعظم سے وضاحت مانگ لی

اسلام آباد: سینئر رہنما تحریک انصاف عندلیب عباس نے وزیر اعظم کو خط لکھ کر منصب کے خلاف طرز عمل پر ان سے وضاحت مانگ لی۔

تفصیلات کے مطابق عندلیب عباس نے ایک خط کے ذریعے وزیر اعظم سے کہا کہ آئین اور حلف وزیراعظم کو ریاست سے وفاداری کا پابند بناتے ہیں۔

خط میں ان کا کہنا تھا کہ وزیر اعظم ریاست سے وفاداری اور ریاستی مفادات کے ذمے دار ہیں، جب کہ وہ کھلےعام نواز شریف سے اپنی وفاداری کا اعلان کر رہے ہیں۔

انھوں نے خط میں مؤقف اختیار کیا کہ وزیر اعظم نے قومی سلامتی کمیٹی کے اعلامیے سے مکمل انحراف کیا ہے اور نواز شریف کی ریاست مخالف آواز میں آواز ملائی۔

عندلیب عباس نے مطالبہ کیا کہ آئین سے روگردانی پر شاہد خاقان عباسی خود کو منصب سے الگ کردیں، اگر وہ عہدہ نہیں چھوڑیں گے تو تحریک انصاف سپریم کورٹ سے فوری نوٹس کی استدعا کرے گی۔

بھارتی میڈیا کے پروپیگنڈے کو ہم نے آگے بڑھایا: وزیر اعظم


خط میں پی ٹی آئی کی سینئر رہنما نے مؤقف اختیار کیا کہ منصب کے خلاف طرز عمل پر وزیر اعظم آئین کے اور اطلاعات تک رسائی کے قانون کے تحت وضاحت دیں۔

واضح رہے کہ وزیر اعظم نے دو دن قبل قومی اسمبلی میں کہا تھا کہ نواز شریف نے انٹرویو میں کہا ممبئی حملہ کرنے والوں کو پاکستان سے بھیجا گیا۔ نواز شریف کے اس ایک جملے سے غلط تاثر لیا گیا جس کو مسترد کرتا ہوں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں