اسلام آباد: پاکستان تحریک انصاف کے سینئر رہنما عارف علوی نے کہا ہے کہ کراچی والوں نےعمران خان سے بھرپور محبت کا ثبوت دیا.
ان خیالات کا اظہار انھوں نے دیگر رہنماؤں کے ساتھ پریس کانفرنس کرتے ہوئے کیا. ان کا کہنا تھا کہ کراچی کے مسائل عمران خان کی توجہ کے خواہاں ہیں.
انھوں نے مزید کہا کہ پانی کے مسئلے سے متعلق عمران خان بہت سنجیدہ ہیں، خان صاحب کو مشورہ دیا ہے کہ کراچی کےمسائل کے لئے ٹاسک فورس بنائیں.
حکومت سازی سے متعلق انھوں نے کہا کہ ایم کیوایم کےساتھ بات چل رہی ہے، ایم کیوایم مرکز اور صوبے میں ہمارےساتھ ہوسکتی ہے، گرینڈڈیموکریٹک الائنس ہمارے ساتھ ہے.
انھوں نے مزید کہا کہ وفاق میں حکومت بنانےکے لئے ہمیں کسی کی ضرورت نہیں،کرپشن میں ملوث جماعتوں کےساتھ اتحادنہیں کریں گے، پیپلز پارٹی کے بائیکاٹ نہ کرنے کے فیصلےکا خیر مقدم کرتے ہیں.
فیصل واوڈا کا موقف
اس موقع پر فیصل واوڈا نے کہا کہ دوباہ گنتی میں میرے ووٹ مزید بڑھ گئے ہیں، جولوگ انگلیاں اٹھارہے ہیں، وہ انگلیاں اٹھانےسے گریزکریں.
انھوں نے کہا کہ میرے حلقے میں ووٹوں کی دومرتبہ گنتی کی جاچکی ہے اور 86 ووٹ بڑھے ہیں.
کیا ڈاکٹر یاسمین راشد بنیں گی وزیر اعلیٰ پنجاب؟
پی ٹی آئی کی سینئر رہنما ڈاکٹر یاسمین راشد نے بھی میڈیا سے بات کی۔
انھوں نے کہا کہ میں نے خان صاحب سے پوچھا ہے، میں قو می اسمبلی میں رہوں یاصوبائی اسمبلی میں؟ تو خان صاحب نےکہاکہ مجھےصوبائی اسمبلی میں رہناچاہیے۔
واضح رہے کہ تحریک انصاف میں وزیراعلیٰ پنجاب کے لئے ڈاکٹریاسمین راشد کے نام پر بھی غور کیا جارہا ہے۔ اسی ضمن میں آج انھیں بنی گالا طلب کیا گیا تھا۔
یاد رہے کہ ڈاکٹر یاسمین راشد این اے 125 سے سخت مقابلے کے بعد ن لیگی امیدوار سے ہار گئی تھیں۔
الیکشن کمیشن نے انتخابات 2018 کے مکمل نتائج جاری کر دیے
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
