The news is by your side.

Advertisement

آج چوروں کو پکڑنے کادن ہے، عوام کسی کو بھاگنے نہیں دیں گے،بابراعوان

اسلام آباد : پاکستان تحریک انصاف کے رہنما بابر اعوان کا کہنا ہے کہ آج چوروں کوپکڑنے کادن ہے عوام کسی کو بھاگنے نہیں دیں گے، آج پاکستان میں قانون اورآئین کی بالادستی کا دن ہے۔

تفصیلات کے مطابق سپریم کورٹ کے باہر میڈیا سے گفتگو کرتے ہوئے پی ٹی آئی کے رہنما ڈاکٹر بابر اعوان نے کہا کہ بہت سے لوگ کہتے تھے کچھ نہیں ہوگا، عمران خان نے صرف ایک بات کی،کوئی قانون سے بالاتر نہیں، آج پاکستان میں قانون اورآئین کی بالادستی کادن ہے۔

بابر اعوان نے کہا کہ پورے پاکستان کے لوگوں کیلئے آج تدبر،حوصلے،صبر اور شکر کا دن ہے، آج عوام کسی کو بھاگنے نہیں دیں گے،ہم ایک نیوکلیئر ریاست ہیں جس کے ذمہ دار شہری آج ریاست یا ریاست کے اداروں کے خلاف کچھ نہیں ہونے دیں گے۔

انھوں نے مزید کہا کہ فیصلہ پاکستان کی تمام عدالتوں پر لاگو ہوگا۔

بابر اعوان نے کہا کہ عدالت کے فیصلے پر تبصرہ درست نہیں، جو بھی فیصلہ آیا وہ سب سے بڑی دستوری عدالت کا فیصلہ ہے، ساری ایگزیکٹو اتھارٹیز اس فیصلے کا ساتھ دینے کی پابند ہوں گی۔

پی ٹی آئی رہنما بابر اعوان نے سماجی رابطے کی ویب سائٹ ٹوئٹر پر اپنے پیغام میں کہا کہ کہ پاناما سے اقامہ تک جدوجہد، مزاحمت، مار کھانے والوں کو سلام ، جو کہتے تھے کچھ نہیں ہوگا وہ دیکھ لیں، قوم بیدار ہو تو سب کچھ ہوسکتا ہے۔

انشااللہ تبدیلی ضرور آئے گی، پوری قوم سپریم کورٹ کے پیچھے کھڑی ہے، عارف علوی

پاکستان تحریک کے رہنما عارف علوی نے کہا کہ قوم عمران خان کے ساتھ ہے، میں سمجھتا ہوں پاکستان میں تبدیلی آئےگی، پاناماکیس سب بڑا معرکہ ہے اسے بھی عبور کرینگے۔

عارف علوی کا کہنا تھا کہ انشااللہ تبدیلی ضرور آئے گی، پوری قوم سپریم کورٹ کے پیچھے کھڑی ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں