The news is by your side.

Advertisement

مریم نواز اور شہباز شریف کو جیل بھیجا جائے، عمر چیمہ

اسلام آباد: تحریک انصاف کے مرکزی رہنما عمر چیمہ نے مطالبہ کیا کہ مریم صفدر اور شہبازشریف کی ضمانت منسوخ کر کے انہیں فوری طور پر جیل بھیجا جائے۔

تفصیلات کے مطابق عمر چیمہ کا کہنا تھا کہ لندن پراپرٹی، کیلبری فونٹ فراڈ سے شروع ہونے والا سفر ’’غیبی امداد‘‘ تک پہنچ گیا، عدالتی مریم صدر اور شہباز شریف کی جعل سازی کا فوری نوٹس لیں۔

اُن کا کہنا تھا کہ مسلم لیگ ن کی جانب سے قوم سے جھوٹ بولنے اور عدلیہ پر حملہ کی یہ پہلی واردات نہیں، ماضی میں بھی اداروں کے خلاف اس طرح کے ہتھکنڈے استعمال کیے گئے۔

عمر چیمہ کا کہنا تھا کہ ضمانت سےغلط فائدہ اٹھا کر اداروں کو بدنام کرنے کی کوششیں روکی جائیں اور مریم صفدر ، شہباز شریف کی ضمانتیں منسوخ کرکے انہیں فوری جیل بھیجا جائے۔

یاد رہے کہ گزشتہ روز مریم نواز جج ارشد ملک کی مبینہ آڈیو اور ویڈیو سامنے لائیں تھیں جس کی تردید بھی سامنے آچکی ہے، حکومت نے مکمل تحقیقات کرنے اور قانونی چارہ جوئی کا حتمی فیصلہ کرلیا۔

معاونِ خصوصی برائے اطلاعات کا کہنا تھا کہ ویڈیو کا مکمل فرانزک کرایا جائے گا اور جس میڈیا ہاؤس میں اسے تیار کیا گیا اُس کے خلاف کارروائی کی جائے گی جبکہ اس گھناؤنی حرکت کے پیچھے چھپے تمام گم نام چہرے بھی بے نقاب کیے جائیں گے۔

Comments

یہ بھی پڑھیں